फागुन २६, शनिबार
मकवानपुर ।
नवसर्जक साहित्य चौतारी नेपालको २१ ओैँ नियमित मासिक शृङ्खला आज भर्चुअल माध्यमबाट सम्पन्न भएको छ ।
चौतारीकी उपाध्यक्ष कृतिका लौडारीको अध्यक्षता एवम् मामाघर नेपालका संरक्षक अर्पण पराजुलीको प्रमुख आतिथ्यतामा सम्पन्न कार्यक्रममा चौतारीका परिकल्पनाकार/संरक्षक दीपक गौतम, सल्लाहकारहरू डीबी बर्तौला र अर्चना दहालको आतिथ्यता रहेको थियो ।
कार्यक्रममा समीक्षाका क्रममा मकवानपुर बालविद्या सदन, हर्नामाडीका कक्षा-१० मा अध्ययनरत सौरब बिडारीले रवीन्द्र मिश्रद्वारा लिखित ‘खान पुगोस् दिन पुगोस्’ तथा धनगढी, कैलालीकी रबिना धानुकले ‘एक मिनेटमै जीवन परिवर्तन’ नामक पुस्तकको समीक्षा प्रस्तुत गर्नु भयो । नवसर्जकहरू अनुसुया खनाल, विप्लव आचार्य, अजय बर्तौला, कृतिका लामिछाने, सुमिसा श्रेष्ठ, यादृक्षा न्यौपाने, मानश्वी पौडेल, कृष्टिना शाह, सदिक्षा नेपाल, किरण धामी, आयुश्री दाहाललगायतले कविता, गीत तथा गजल वाचन गर्नु भएको थियो ।
कार्यक्रममा देशभरका विभिन्न प्रदेशका गरी तीन दर्जन बढी नवसर्जकको उपस्थिति रहेको थियो । कार्यक्रमको सहजीकरण चौतारीकी उपाध्यक्ष एवम् काठमाडौँ उपत्यका संयोजक आँचल कुसुम अधिकारीले गर्नु भएको हो ।
बालबालिकालाई साहित्यमार्फत् रचनात्मक बनाउने जोडमा नवसर्जक साहित्य चौतारी लागिरहेको संरक्षण दीपक गौतमले बताउनु भएको छ । चौतारीले हरेक महिनाको चौथो शनिबार भर्चुअल माध्यमबाट नवसर्जक मासिक शृङ्खलाका साथै हरेक शनिबार विभिन्न साहित्यिक विधाका प्रशिक्षणात्मक कार्यक्रम आयोजना गर्दै आएको छ ।