फागुन २८, सोमबार
काठमाडौँ ।
नेपाली क्यारिकेचर–२०८० प्रदर्शनीमा थाहाखबर डटकमका कार्टुनिष्ट अनुप गुरुङ प्रथम हुनु भएको छ ।
नेपाल ललितकला प्रज्ञा–प्रतिष्ठान (नाफा), वास्तुकला तथा अन्य सृजनात्मक कला विभाग तथा कार्टुनिस्ट क्लब अफ नेपालको संयुक्त आयोजनामा काठमाडौंमा आइतबार शुरु भएको प्रतियोगितामा गुरुङको कला पहिलो भएको हो।
गुरूङ समसामयिक, राजनीतिक, सामाजिक व्यङ्ग्यचित्र सिर्जनामार्फत् चर्चामा हुनुहुन्छ ।
३३ प्रतियोगीहरूमध्ये प्रथम भई गुरूङले १५ हजार रुपैयाँ राशिको पुरस्कार हात पार्नुभयो भने दोस्रो भइ अनिशा भण्डारीले १२ हजार र तेस्रो भइ विश्व थापामगरले ८ हजार रूपैयाँ राशि पुरस्कार प्राप्त गर्नुभयो ।
प्रदर्शनीमा अविन श्रेष्ठ, अकृन अधिकारी, अनिसा भण्डारी, अनुप गुरुङ, अर्पिता शाक्य, अशोकमान सिंह, वामन चालिसे, वासु क्षितिज, भानु भट्टराई, विनय भण्डारी, विश्व थापा, चेतन गौतम, देवेन्द्र थुम्केली, हरिशरण ढुङ्गाना, केशवराज खनाल, महेश बस्ताकोटी, मनरा प्रजापति, एनबी गुरुङ, पल्पासा मानन्धर, पानसिंह तोमरका क्यारिकेचरहरू छन् ।
यस्तै कार्टुनिस्ट रवि मिश्र, रवीन सायमी, रवीन्द्र मानन्धर, रामहरि रिमाल, राजेश मानन्धर, रामकृष्ण थापा, सविना रिजाल, सानुराज डङ्गोल, सागर शाह, सुजिता महर्जन, सुदर्शन सिग्देल, सौरभ कोइराला, उमेशचन्द्र अधिकारीलगायत क्यारिकेचर पनि रहेका छन् ।
प्रदर्शनीको उद्घाटन अग्रज कार्टुनिस्ट मोहनश्याम महर्जन ‘खोकना’ ले उद्घाटन गर्नुभएको हो ।
प्रदर्शनी चैत १ गतेसम्म सञ्चालन हुनेछ। नेपालमा २०७४ सालदेखि नेपाली क्यारिकेचर प्रदर्शनी हुँदै आएको छ।