जेठ ५, शनिबार
नवसाहित्य अनलाइन । कविडाँडा साहित्य समाज, चितवनले जेठ ६ गते आफ्नो २१औँ वार्षिकोत्सव आयोजना गर्दैछ । संस्थाले सो कार्यक्रममा चितवनका ३ स्रष्टाहरूलाई सम्मान तथा पुरस्कार समेत अर्पण गर्नेछ ।
कार्यक्रममा ‘कविडाँडा देव-खिना स्मृति पुरस्कार २०८१’ बाट खनाल रेवतीरमण सम्मानित हुनुहुनेछ । ‘कविडाँडा वाङ्मयी युवा प्रतिभा पुरस्कार २०८१’ बाट ‘झुमर’ उपन्यासकी कृतिकार सिम्रन क्षेत्री सम्मानित हुनुहुनेछ । २०७९ सालमा यस पुरस्कारबाट गजलकार तथा साहित्य अभियानकर्मी लेखराम सापकोटा सम्मानित हुनु भएको थियो । कविडाँडा अविनाशी कृति पुरस्कार २०८० बाट ‘कमिलाको प्वाँख’ कविता सङ्ग्रहका कृतिकार प्रकाश चापागाईँ सम्मानित हुनुहुनेछ भने गतसाल यस पुरस्कारबाट सिर्जन अविरल पुरस्कृत हुनु भएको थियो अध्यक्ष एलबी क्षेत्रीले बताउनु भएको छ ।
कवि गोविन्दराज विनोदीको प्रमुख आतिथ्य र समीक्षक रमेश प्रभात वक्ता रहनु हुने सो कार्यक्रम निर्भाना रिसोर्ट भरतपुरमा आयोजना जनाइएको छ ।