जेठ ९, मङ्गलबार
नवसाहित्य अनलाइन । भरतपुर महानगरपालिकाद्वारा राष्ट्रियस्तरको पर्या कविता प्रतियोगिताका लागि कविता माग गरिएको छ ।
प्रथम पुरस्कार ३० हजार, द्वितीय २० हजार, तृतीय १० हजार तथा प्रोत्साहन पुरस्कार २ जनालाई जनही ५/५ हजार पुरस्कार राशि रहेको सो प्रतियोगिताका लागि प्रकृति, पर्यावरण, पर्यटन र संरक्षण चेतनामा आधारित कविता माग गरिएको हो ।
जेठ ११ गते साँझ ५:०० बजेभित्र पठाइसक्नुपर्ने कविताको साथमा कविहरूले नेपाली नागरिकताको प्रतिलिपि अनिवार्य पठाउनुपर्ने तथा कविता पूर्व प्रकाशित/प्रसारित हुन नहुने सूचनामा उल्लेख छ ।
प्राप्त कवितामध्ये महानगरले १० कविहरूलाई वाचनका लागि आमन्त्रण गरिने आयोजकले जानकारी दिएको छ । जिल्लाबाहिरका कविहरूलाई खाना, आवास र बस भाडाबापत नियमानुसार २ दिनको दैनिक भ्रमण भत्ता उपलब्ध गराइने सूचनामा उल्लेख गरिएको छ ।