असार ७, शुक्रबार
नवसाहित्य अनलाइन । मदन भण्डारी फाउन्डेसन मकवानपुरले कविता प्रतियोगिता गर्ने भएको छ । राष्ट्रिय जन साहित्यिक सङ्घ मकवानपुरको व्यवस्थापनमा गरिने सो कार्यक्रमका लागि कविताहरू माग गरिएका छन् ।
प्रतियोगी कविता समाज रुपान्तरण, राजनीतिक परिवर्तन, समावेशिता, समृद्धि र आधुनिक चेतनाको लागि जनताको बहुदलीय जनवादको योगदानसँग सम्बन्धित हुनुपर्ने आयोजकले जनाएको छ । यस्तै यही असार १० गतेभित्र प्रिती फन्टमा टाइप गरी सर्जकको नाम, ठेगाना तथा सम्पर्क नम्बरसहित पठाउनुपर्ने कविताहरूमध्ये असार ११ गते उत्कृष्ट १० छनौट गरिनेछ । यस्तै असार १३ गते कविको उपस्थितिमा वाचन हुने प्रतियोगिताबाट उत्कृष्ट ३ जनालाई जनही ६ हजार रुपैयाँ पुरस्कार उपलब्ध गराइने आयोजकले जानकारी दिएको छ ।
कविता सम्प्रेषणका लागि bishal.adh64@gmail.com वा किताबघर हेटौँडामा बुझाउन सकिने राष्ट्रिय जनसाहित्यिक सङ्घका मकवानपुरका सचिव विशाल अधिकारीले जानकारी दिनु भएको छ ।