२९ असार, शनिबार
नवसाहित्य अनलाइन । भानु प्रतिष्ठान ,गण्डकी प्रदेश समितिकाे आयाेजना तथा गण्डकी प्रज्ञा प्रतिष्ठानकाे सहकार्यमा २११ आै भानु जयन्ती समारोह तथा बिशेष कवि गाेष्ठी कार्यक्रम सुसम्पन्न गरिएको छ।
गण्डकी प्रज्ञा प्रतिष्ठानकाे भानु कक्षमा गरिएकाे उक्त कार्यक्रममा कविहरु शिव त्रिपाठी ,शरण आँसु,लक्ष्मी थापा,संयाेग बस्याल,जिज्ञासु सापकाेटा, प्रेमनारायण ढकाल, रमा खतिवडा, तारानाथ पराजुली,सावित्री गिरी,राेशन तिम्सिना , निकेश गिरी र आर्या त्रिपाठीले हृदयस्पर्शी कविता वाचन गरेका थिए।साथै कवि बसन्त चालिसेले रामायणका केही श्लाेक वाचन गरेका थिए।
उक्त कार्यक्रममा भानुकाे नेपाली साहित्य सम्बन्धि याेगदानकाे परिचर्चा गर्दै डा.तुलसी प्रवासले भानुभक्तले शिक्षाको महत्त्व बुझेर आफ्नो छाेरालाई लेखेकाे पत्रका बारेमा परिचर्चा गरे।
यसैगरी कार्यक्रममा मन्तब्य राख्दै गण्डकी प्रज्ञा प्रतिष्ठानका सदस्य सचिव मनकुमार श्रेष्ठले भनेँ भानु सम्पूर्ण भाषा,साहित्य र वाङ्मय प्रेमीका लागि प्रेरणापुञ्ज भएको बताए ।
कार्यक्रममा बाेल्दै छन्दनायक माधव वियाेगीले भानुकाे सच्चा सम्मान भनेकाे काव्यसंस्कृतिकाे परिपालना हाे भनेँ।उनले भानु प्रतिष्ठानले भानु जयन्ती मात्र नभै माेती जयन्ती ,लेखनाथ जयन्ती लगायत अन्य कवि साहित्यकारका जयन्ती मनाउन उपयुक्त हुने बताए।
यसैगरी कार्यक्रमका प्रमुख अतिथि गण्डकी प्रज्ञा प्रतिष्ठानका कुलपति सूर्य खड्का बिखर्चीले भानुले तत्कालीन समाजकाे चित्रण गरेर ब्यङ्ग्यात्मक कविता लेखेकाे बारेमा चर्चा गरे।
भानु प्रतिष्ठान ,गण्डकी प्रदेश समितिका संयाेजक छन्दमणि त्रिपाठीकाे सभापतित्वमा सम्पन्न उक्त कार्यक्रम सह संयाेजक डिल कुमारी पाैडेलले सञ्चालन गरेकी थिइन्।