श्रावण ७, सोमबार
नवसाहित्य अनलाइन ।
मैले भर्खरै पढेको पुस्तकको नाम फूल हो। यसका लेखक पुष्पलता आचार्य हुन्। यो बाल काव्यको पुस्तक हो। यस पुस्तकलाई पुष्पलता प्रोडक्सन प्रालीले प्रकाशनमा ल्याएको हो। यो विक्रम सम्वत् २०६३ पुसमा छापिएको छ। यस पुस्तकमा २८ वटा पाना रहेका छन्। यसको आईएसबिएन नम्बर ९७८ ९९९४६ २ २४२ ९ रहेको छ यस पुस्तकको मूल्य १९ रहेको छ ।
मलाई यस पुस्तक पढिसकेपछि पुस्तकका लेखकले लेख्ने तरिका राम्रो लाग्यो। लेखकले अहिलेसम्म सागर सन्ध्या, समयको हुरी, अञ्जुली, रित्तो वर्तमान, गाउँको माया,आमाको काख लगायत का ३३ वटा कृति लेखिसकेका छन्। यो पुस्तक हाम्रो वातावरण, समाज वा हाम्रो वरिपरि रहेका एक सुन्दर सजीव वस्तु फूलको बारेमा लेखिएको छ। यो पुस्तकमा तीनवटा शीर्षकमा कविताहरू लेखिएका छन् । पहिलो शीर्षक शुभकामना, दोस्रो शीर्षक फूलको सौन्दर्य, र आफ्नै काव्य रहेका छन् यसको आकार आयताकार रहेको छ यस पुस्तकको गातामा बालबालिकाहरू र फूलको बगैँचा रहेको छ। मलाई यो पुस्तक पढ्न आधी घण्टा जस्तो लाग्यो। यो पुस्तकमा रहेका भाषा र शब्दहरू सजिलै पढ्न सकिने र बुझिने खालका छन् पुस्तकले हाम्रो वरिपरि रहेका प्रकृतिको महत्वलाई बुझाउन खोजेको छ ।
हामीले हरेक प्राकृतिक वस्तुहरूलाई जोगाउनुपर्छ फुल मनपराउनेहरूले फूलका अन्य पक्षहरूलाई पनि मन पराउन सक्नुपर्छ। अनि मात्रै मान्छे प्रकृति प्रेमी बन्छ भन्न खोजिएको छ। फुल जो कोहीलाई पनि मनपर्छ घरमा सजाएर राख्नहोस्। कसैलाई उपहार दिनहोस् अथवा कुनै विशेष कार्यक्रमहरूलाई रङ्गीचङ्गी र सजावट बनाउनका लागि होस् फूलको उत्ति नै महत्व रहेको हुन्छ त्यसैले प्राकृतिक वस्तु फुललाई मात्र माया गर्ने होइन कि प्रकृतिले दिएका हरेक वस्तुहरूलाई माया गर्नुपर्छ भनेर फूलमार्फत् बुझाउन खोजिएको छ।
आइयुसी बजगाई
कक्षा ७
(बालजागृति इङ्लिस बोर्डिङ स्कुल, हेटौँडा-२)