श्रावण ७, सोमबार
नवसाहित्य अनलाइन ।
मैले पढेको पुस्तकको नाम ‘कमिला र माहुरी’ हो यसका लेखक तेज प्रकाश श्रेष्ठ हुनुहुन्छ यो कविता विधाको पुस्तक हो। यस पुस्तकलाई कथालयङ्क काठमाडौँले छपाएको हो। यसको प्रकाशन मिति भने वि.सं. २०७० रहेको छ। यो किताब दुईपटक २०६६ साल र २०७६ सालमा छापिएका हुन् जसमा कूल चारवटा पाना छन् । यसको आईएसबिएन नम्बर ९७८ ९९३७ ५५ ३४ ४ हो। यो किताबको मूल्य रु. १२० रहेको छ।
यो पुस्तक कमिला र माहुरीको विषयमा लेखिएको छ । पुस्तकमा हामीले साथीहरूसँग राम्रोसँग बोल्नुपर्छ, मिलिजुली व्यवहार गर्नुपर्छ भन्ने विषय लेखिएको छ । आयताकारको यस पुस्तकमा माहुरी र कमिलाको चित्र देखाइएको छ। यो पुस्तक पढ्न मलाई १५ मिनेट जति लाग्यो। यो पुस्तकमा लेखिएको भाषा वा शब्दहरू पढ्न सजिलो र बुझिने खालका छन् । यो पुस्तक बच्चादेखि ठूलासम्मका सबै उमेरले पढ्न मिल्ने खालको छ। यस पुस्तकको हरेक पानामा थोरै शब्द लेखिएको छ भने धेरै चित्रहरूले यसलाई बुझाउन खोजिएको छ। यसले गर्दा यो पुस्तक आकर्षित बनेको छ। त्यसैले मलाई यो पुस्तक पढ्दा आनन्द प्राप्त भयो ।
यस पुस्तकबाट हामीले साथीहरूसँग राम्रो बोली व्यवहार गर्नुपर्छ साथीहरू सँगसँगै बस्ने र सिक्ने क्रियाकलाप पनि गर्नुपर्छ। साथीहरू सधैं हाम्रा लागि काम लाग्दा हुन्छन् र असल साथीले हामीलाई सधैं नै सही बाटोमा लैजान्छ। यस पुस्तकबाट मैले मानिसको जीवनमा असल मित्रताको महत्व हुन्छ भन्ने कुरा बुझेँ ।
प्रिन्स चौधरी
कक्षाः पाँच
बालजागृति इङ्लिस बोर्डिङ स्कुल, हेटौँडा-२