श्रावण १६, बुधबार
नवसाहित्य अनलाइन ।
ऋण
-गणेश श्रमण
बन्नु बन्नु गरिबको
पित्तथैलीभित्र
पत्थरीको सट्टा
सुनै बनेको भए
अप्रेसन गर्दाको ऋण
त्यही बेचेर त तिर्नुहुन्थ्यो ।
काव्यभूमि , चितवन ।
०००
सङ्ख्या
-संप्रस पौडेल
राज्यका लागि तिमी केवल
गणनामा प्रयोग हुने सङ्ख्या न हौ
तिम्रो ज्यानको १० लाख रूपियाँ दर छ
त्यसमा पनि त पच्चिस प्रतिशत कर छ ।
काव्यभूमि , मकवानपुर ।
०००
“प्रश्न”
-सुबास ‘सजल’
म हारेर सारासँग,
सोध्दैछु तारासँग।
के? तिमीलाई पनि, मलाई जस्तै
आफ्नैले, झारेको हो ?
काव्यभूमि , मकवानपुर ।