२१ साउन, मकवानपुर ।
नवसाहित्य अनलाइन
जिन्दगीमा दु:खमात्र न हुन्छ न स्वीकार्य हुन्छ
हराभरा बाग हुन प्रेमिल सिञ्चन अपरिहार्य हुन्छ
कुमालेको चक्र जस्तै घुम्छ यो संसार धैर्य गर्नुस्
आज अँधेरी रात भए भोली प्रभात अनिवार्य हुन्छ
फाँड्यो, काट्यो ,जलायो ,झाङ्गिएर आउँछन्
आशा राख्यो सिधा हुने बाङ्गिएर आउँछन्
जस्ले जति लाजको भाँडो ढाकिदिए पनि
जति ढाक्यो उति बढि नाङ्गिएर आउँछन्
मुटु भित्र गड्यो माया खास बनेर
जति दूर गयो उति पास बनेर
हुन थाल्छ चाह जब तिम्रो स्पर्षको
उसैबेला आइ चुम्छौ बतास बनेर
तीन मुक्तकहरु
भवानी तिमल्सिना न्यौपाने
हेटौडा, मकवानपुर