शिल्पी थिएटरमा ‘सोरठी’ मञ्चन सुरू

भाद्र ९, आइतवार 
नवसाहित्य । मकवानपुरको भीमफेदीमा जन्मिएकी सङ्गीता थापा काठमाडौँमा नाटक निर्देशन गरिरहनु भएको छ । सञ्जय काउछा मगरको प्रकाशोन्मुख उपन्यास “सोरठी” मा आधारित नाटक काउछा र थापाको परिकल्पना तथा निर्देशनमा भाद्र ७ देखि “शिल्पी कला समूह” मार्फत् मञ्चन हुँदैछ ।

त्यसो त सङ्गीता अब्बल गजल सिर्जनामार्फत् विभिन्न जिल्लाहरूमा पुग्नु भएको छ । अभिनय सिकाइमा आधा दशक बिताइसक्नु भएकी उहाँले यस नाटकमा मगर समुदायको ऐतिहासिक कथा सँगसँगै कला, संस्कार-संस्कृति, सभ्यता र जीवनशैलीलाई नौलो ढङ्गले प्रस्तुत गरिएको बताउनु भएको छ ।

लेखनलाई पनि कलाकै विधा मान्ने उहाँद्वारा निर्दशित यस नाटकलाई बिम्ब आर्ट्सले प्रस्तुत गरेको हो भने नाटक भाद्र ३० सम्म मञ्चन हुने उहाँले जानकारी दिनु भएको छ ।