सङ्गमद्वारा ‘समीक्षासहित चिठी लेखन प्रतियोगिता’

१५ भाद्र, शनिबार ।
नवसाहित्य । साहित्य सङ्गम मकवानपुरले पुस्तकको समीक्षासहित चिठी लेखन प्रतियोगिता गरेको छ ।

१७औँ पुस्तकालय दिवसको अवसरमा ‘पछिल्लो समयमा आफूले पढेको पुस्तकको समीक्षासहित चिठी लेखन प्रतियोगिता’ आयोजना भएको हो ।

शनिबार पुष्पलाल स्मृति पुस्तकालयमा आयोजित कार्यक्रममा १३ विद्यालयका २५ विद्यार्थीहरूको सहभागिता रह्यो ।

साहित्य सङ्गम मकवानपुरका उपाध्यक्ष सानु खनालको सभाध्यता तथा अग्रज साहित्यकार देवराज खरेलको प्रमुख आतिथ्यमा सञ्चालित कार्यक्रममा अग्रज साहित्यकार जनार्दन खनाल विशिष्ट अतिथि रहनु भएको कार्यक्रममा कार्यसमिति सदस्य सञ्जित श्रेष्ठले स्वागत मन्तव्य राख्नुभयो ।

कार्यक्रममा देवराज तिवारी, जनार्दन खनाल, भवानी तिमल्सिना, अनुसूया खनालले आआफ्नो रचना वाचन गर्नुभयो ।
प्रतियोगिता निर्णायक समिति संयोजक तथा सङ्गमका सल्लाहकार सुवास खनालले विषयवस्तुहरूको अङ्क विभाजनबारे स्पष्ट पार्दै पछिल्लो समय स्मार्टफोन प्रयोगका कारण पठन संस्कृतिमाथि असर पर्दै गइरहेको धारणा राख्नुभयो । यस्तै अग्रज साहित्यकार देवराज खरेलले यस्ता कार्यक्रमले नवपुस्ताको लेखनशील्पमा हौसला मिल्नुका साथै पठनमा टेवा पुग्ने विचार राख्नु भएको कार्यक्रममा अध्यक्ष सानु खनालले विद्यार्थीहरूलाई रचनात्मक क्रियाकलापमार्फत् पठन संस्कृतिमा योगदान पुग्ने उद्देश्यले प्रतियोगिता आयोजना गरिएको धारणा राख्नुभयो ।

कार्यक्रमको रुपरेखा तथा प्रतियोगीहरूलाई सहजीकरणका लागि लेखन शैली तथा शील्पमाथि सदस्य संप्रस पौडेलले मन्तव्य राख्नु भएको कार्यक्रमलाई सहसचिव भवानी तिमल्सिनाले सञ्चालन गर्नु भएको हो ।