नगिताको हास्यव्यङ्ग्य कृति ‘ब्याकबाइटिङ’ आउँदै

१० असोज । नगिता लेप्चा राईको हास्यव्यङ्ग्य कृति ‘ब्याकबाइटिङ’ प्रकाशन भएको छ । ‘मेरो बालापन (कविता सङ्ग्रह, सन् २०२३)’ मा प्रकाशन गराउनु भएकी नगिताले दोस्रो पुस्तकका रूपमा हास्यव्यङ्ग्यसङ्ग्रह लेख्नु भएको हो ।

कानेखुशी हास्यव्यङ्ग्य पत्रिकाकी कार्यकारी सम्पादक, आकाशवाणी खरसाङको नियमित वार्ताकार हुनुका साथै हाम्रो पहलकी प्रतिनिधि सम्पादक तथा विभिन्न राष्ट्रिय अन्तर्राष्ट्रिय पत्रपत्रिकामा फूटकर रचनाहरू लेख्दै आउनु भएको छ ।

३१ निबन्ध सङ्ग्रहित नवप्रकाशित हास्यव्यङ्ग्य निबन्धसङ्ग्रहलाई समकालीन साहित्य प्रतिष्ठान बेलायतले प्रकाशन गरेको हो ।

सिलिगुडी, भारत निवासी लेखकले चाँडै नै पुस्तक लोकार्पण मिति तोकिने जानकारी गराउनु भएको छ ।