- नवसाहित्य
नवसाहित्य डटकम
प्रदेश युवा परिषद् बागमती प्रदेशको आयोजना तथा साहित्य सङ्गम मकवानपुरको सहकार्यमा आयोजित युवा कविता उत्सव २०८१ मा कास्कीका संगम संयोग प्रथम हुनु भएको छ । उहाँले ‘सावधान’ कविताका लागि ४० हजार राशिको पुरस्कारसहित प्रमाणपत्रले सम्मानित हुनु भएको छ ।
यस्तै कास्कीका कवि सुदर्शन पौडेलले ‘घर नफर्किएको छोराको सम्झनामा’ कविताका लागि ३० हजार राशिको द्वितीय पुरस्कार प्राप्त गर्नु भएको छ ।
उदयपुरका कवि सुमी पोखरेलले ‘समयदर्शक यन्त्रको पर्दा नियाल्दा’ कविताका लागि २० हजार राशिको तृतीय पुरस्कार प्राप्त गर्नुभयो । बझाङका कवि महेश कठायतले ‘देश’ कविताका लागि रु. १० हजार राशिसहित पुरस्कृत हुनुभयो ।
बझाङका कवि महेश कठायतले ‘देश’ कविताका लागि १० हजार राशिको सान्त्वना पुरस्कार प्राप्त गर्नुभयो । पहिलो चरणमा कूल २२३ कवितामध्ये उत्कृष्ट २० कविता छनोट गरिएको थियो । सोमध्ये ४ कविहरू पुरस्कृत हुनु भएको हो । वाचन सत्रमा पर्वतका तारानाथ पराजुली र संखुवासभाका सिजन श्रेष्ठ प्रतियोगितामा सहभागी नै हुनु भएन ।
कविहरू भीष्म उप्रेती, आरएन डङ्गोल र टिका आत्रेयले निर्णायकको भूमिका निर्वाह गर्नु भएको थियो ।
युवा परिषद बागमती प्रदेशका उपाध्यक्ष सन्तोष चौलागाईँको सभाध्यक्षतामा आयोजित कार्यक्रममा युवा तथा खेलकूद मन्त्री मीनकृष्ण महर्जनको प्रमुख आतिथ्य रह्यो । कार्यक्रममा साहित्य सङ्गम मकवानपुरका अध्यक्ष डीबी बर्तौला, बुढ्यौली समाज मकवानपुरका अध्यक्ष आरसी रिजाललगायतले मन्तव्य राख्नुभयो ।
रोयल प्यालेस हेटौँडामा आयोजित कार्यक्रमलाई साहित्य सङ्गमका सचिव मनोज पोखरेलले सहजीकरण गर्नुभएको हो ।
