छाेटा कविताहरू / अर्जुन पराजुली

अर्जुन पराजुली हास्यव्यङ्ग्य क्षेत्रका उम्दा कवि हुनुहुन्छ । २०२० साउन ५ गते काभ्रेपलाञ्चोकको ज्याम्दीमा जन्मिनुभएका सिस्नुपानी नेपालका संस्थापकमध्ये एक उहाँ हाल सिस्नुपानी नेपालको उपाध्यक्ष हुनुहुन्छ । चरम गरिबीको बाल्यकालबाट गुज्रिएका पराजुली व्यङ्ग्य कविताकै कारण दुई पटक गरी करिब २ महिनाजति जेल पनि पर्नुभयो ।
हुन त ‘भाइरल’ शब्दलाई अर्थ्याउँदा एक्कासि चर्चामा आउने र बेपत्ता हुने भन्नेसँग जोडेर हेरिन्छ । चालिसौँ वर्षदेखि हास्यव्यङ्ग्य क्षेत्रमा कलम चलाइरहनु भएका उहाँ सोही समयदेखि नै अर्थात् जहिल्यै ‘भाइरल’ हुनुहुन्छ । आजकल फेसबुकमार्फत् डायरीका पानामा लेखिएका डिको नभएका अक्षर लेख्ने कवि भनेर पनि चिनिनुभएका उहाँ समसामयिक मुद्दामा कलम चलाउनुहुन्छ । उहाँका सिर्जना हेर्दा भन्न सकिन्छ- उहाँको कलम भजन गाउनका लागि होइन अन्याय र अत्याचारविरुद्धमा प्रयोग हुने गरेको पाइन्छ ।
शिशिर योगीको गायनमा बा, आमा, किसान जस्ता मार्मिक गीतहरू लेख्नुभएका कवि पराजुली हँसाउन मात्रै होइन, रुवाउन पनि सक्नुहुन्छ ।
अपसंस्कृति, विकृति, आडम्बरप्रति उपहासपूर्ण रचना गर्ने उहाँले प्रतिगमनविरुद्ध २०६२/६३ को जनआन्दोलनमा लेख्नुभएको बेजोडको कविताको शक्तिले थप टेवा पुगेको घटना पनि ताजै छ । यति मात्रै नभई सो आन्दोलनमा काठमाडौँमा ७ दलले सहभागीहरू जम्मा गर्न नसकेको अवस्थामा उहाँलगायतको नागरिक समाजले यसमा ठुलो टेवा पुर्‍याएको थियो । जनताको प्रत्यक्ष चासोलाई लिएर सिर्जना गर्ने पराजुलीका रचना पढ्दैगर्दा लाग्छ- अब लेखिने कुनै विषय नै बाँकी छैन । उहाँका आधा दर्जन कविताहरू यहाँ समावेश गरिएका छन् ।