मातृभूमिको साहित्य महोत्सवमा स्रस्टा सम्मान, परिचर्चा र काव्य वाचन हुने

जेठ १२, हेटौँडा । नवसाहित्य अनलाइन । मातृभूमि साहित्य समाज मकवानपुरले जेठ १५ गते गणतन्त्र दिवसको दिन ‘मातृभूमि साहित्य महोत्सव २०८२’ आयोजना गर्ने भएको छ । हेटौंडा उपमहानगर पालिकाको प्रवर्धनमा आयोजित कार्यक्रममा स्रस्टा सम्मान, परिचर्चा तथा काव्य वाचन गरिनेछ ।

कार्यक्रममा विभिन्न व्यक्तित्वहरूलाई सम्मान तथा पुरस्कार प्रदान गरिने आयोकले जानकारी दिएको छ ।
क) सम्मान: मातृभूमि पत्रकारिता दीर्घ सेवा सम्मान २०८२
सम्मानित स्रष्टा: पत्रकार प्रताप विष्ट
सम्मान संस्थापक: मातृभूमि साहित्य समाज

ख) सम्मान: मायादेवी मातृभूमि पुरस्कार – २०८०
सम्मानित स्रष्टाः साहित्यकार गीता रेग्मी – काठमाडौँ
सम्मान संस्थापकः रुकु कार्की
पुरस्कार राशिः २१ हजार

ग) सम्मान-राजकुमार स्मृति मातृभूमि सम्मान२०८०
सम्मानित स्रष्टाः कवि चन्द्र गुरुङ, धरान
सम्मान संस्थापकः माननीय इन्द्रबहादुर बानियाँ
नगद राशि- १५ हजार

घ) सम्मान: क्षेत्रबहादुर स्मृति मातृभूमि सम्मान २०८०
सम्मानित स्रष्टा: साहित्यकार माधव काफ्ले, रौतहट
सम्मान संस्थापक: माननीय इन्द्रबहादुर बानियाँ
ईन्द्रबहादुर बानियाँ नगद राशि: १५ हजार

ङ) सम्मान: होमनाथ बलदेवी मातृभूमि छन्द साहित्य सम्मान२०८१
सम्मानित स्रष्टा: कवि सुदेश सत्याल
सम्मान संस्थापक: हयग्रीव आचार्य
नगद राशि: १५ हजार

च) सम्मान:मञ्जु सुवेदी स्मृति मातृभूमि सम्मान-२०८१
सम्मानित स्रष्टा: रजनी ज्ञवाली (नर्सिङ सेवा)
सम्मान संस्थापक: वनमाली सुवेदी तथा कृष्णप्रसाद दाहाल नगद राशि: १५ हजार

छ) सम्मान: झलकबहादुर बानियाँ स्मृति मातृभूमि जीवन सङ्घर्ष प्रोत्साहन वृत्ति -२०८०
कमला आधारभूत विद्यालय, हेटौँडा १८, कक्षा ८ को छात्र एवम् छात्रा ।
सम्मान संस्थापक: राजबाबु पहाडी
नगद राशि: ७ हजार ५ सय

साहित्य महोत्सवका केही सत्रहरूः
१. काव्य वाचन सत्र
कवि भूपिन, चन्द्र गुरूङ, राधिका कल्पित, सुरेन्द्र अस्तफल, सुदेश सत्यालका साथै गजलकारहरू पुष्प अधिकारी अञ्जली, उषा तिवारी र समिता पौडेल न्यौपाने र मुक्तककारद्वय हरिकृष्ण काफ्ले र बिर्खे अन्जानले काव्य वाचन सत्रमा रचना वाचन गर्नुहुनेछ ।

२. परिचर्चा कार्यक्रम
क.
“हाम्रो नगरः पर्या-पर्यटन र संस्कृतिमा समृद्ध सहर” विषयक परिचर्चा कार्यक्रम समेत रहनेछ । कार्यक्रममा हेटौँडा उपमहानगरपालिकी प्रमुख मीनाकुमारी लामाको अभिभावकत्वमा हुने र पर्यटन व्यवसायी भागिरथ खरेल, १० नं. वडाध्यक्ष फूर्वा दोर्जे लामा र हेउमनपाका उपनिर्देशक डा. भीमप्रसाद तिमल्सिना सहभागी रहने कार्यक्रमलाई साहित्यकार हयग्रीव आचार्यले सहजीकरण गर्नुहुनेछ ।
ख.
‘साहित्य सिर्जना संवाद र सञ्चार’ परिचर्चा कार्यक्रममा टिप्पणीकर्तात्रय प्रताप विष्ट, गणेश लाठ र शान्ति प्रियबन्दनाको सहभागितामा रामकुमार एलनले सहजीकरण गर्नुहुने
ग.
साझा सरोकार, प्रतिलिपि अधिकार विषयक परिचर्चा सत्रलाई अधिवक्तात्रय मदनकुमार दाहाल र अप्सरा बस्नेत टिप्पणीकर्ता रही विशभ अधिकारीले प्रस्तुति दिनुहुनेछ ।

३. परिसंवाद कार्यक्रम
कविहरू चन्द्र गुरूङ, भुपिन, राधिका कल्पित र सुदेश सत्याल सहभागी हुने ‘कविता, जीवन र समाज’ परिसंवाद कार्यक्रमलाई साहित्यकार निमेष निखिलले सहजीकरण गर्नुहुनेछ ।

हेउमनपा प्रमुख मीनाकुमारी लामा प्रमुख अतिथि रहने उद्घाटन सत्र कार्यक्रम २०८२ जेठ १५ गते पल्पसा प्याराडाइस होम प्रा.ली. हेटौँडा-४ मा बिहान ८:३० मा हुने पत्रकार सम्मेलनमार्फत् जानकारी दिइएको हो ।