मातृभूमि साहित्य महोत्सव-२०८२ सम्पन्न ।

१६ जेठ । नवसाहित्य अनलाइन ।
मातृभूमि साहित्य समाज मकवानपुरले मातृभूमि साहित्य महोत्सव २०८२ सम्पन्न गरेको छ । बिहिवार हेटौंडा उपमहानगरपालिकाको प्रवर्धनमा आयोजित महोत्सवमा स्रष्टा सम्मान, ४ वटा विषयहरूमा परिचर्चा, परिसंवाद र बहस सञ्चालन गरियो ।

हेटौँडा उपमहानगरपालिकाकी प्रमुख मीनाकुमारी लामाको प्रमुख आतिथ्य र मातृभूमि साहित्य समाज मकवानपुरका अध्यक्ष कृष्णप्रसाद दाहालको अध्यक्षतामा आयोजित कार्यक्रममा पत्रकार प्रताप बिष्ट, साहित्यिक स्रष्टाहरू गीता रेग्मी, चन्द्र गुरूङ, माधव काफ्ले, सुदेश सत्याल सम्मानित हुनुभयो ।

कार्यक्रममा विभिन्न व्यक्तित्वहरूलाई सम्मान तथा पुरस्कार प्रदान गरिने आयोकले जानकारी दिएको छ ।
क) सम्मान: मातृभूमि पत्रकारिता दीर्घ सेवा सम्मान २०८२
सम्मानित स्रष्टा: पत्रकार प्रताप विष्ट
सम्मान संस्थापक: मातृभूमि साहित्य समाज

ख) सम्मान: मायादेवी मातृभूमि पुरस्कार – २०८०
सम्मानित स्रष्टाः साहित्यकार गीता रेग्मी – काठमाडौँ
सम्मान संस्थापकः रुकु कार्की
पुरस्कार राशिः २१ हजार

ग) सम्मान-राजकुमार स्मृति मातृभूमि सम्मान२०८०
सम्मानित स्रष्टाः कवि चन्द्र गुरुङ, धरान
सम्मान संस्थापकः माननीय इन्द्रबहादुर बानियाँ
नगद राशि- १५ हजार

घ) सम्मान: क्षेत्रबहादुर स्मृति मातृभूमि सम्मान २०८०
सम्मानित स्रष्टा: साहित्यकार माधव काफ्ले, रौतहट
सम्मान संस्थापक: माननीय इन्द्रबहादुर बानियाँ
ईन्द्रबहादुर बानियाँ नगद राशि: १५ हजार

ङ) सम्मान: होमनाथ बलदेवी मातृभूमि छन्द साहित्य सम्मान२०८१
सम्मानित स्रष्टा: कवि सुदेश सत्याल
सम्मान संस्थापक: हयग्रीव आचार्य
नगद राशि: १५ हजार

च) सम्मान:मञ्जु सुवेदी स्मृति मातृभूमि सम्मान-२०८१
सम्मानित स्रष्टा: रजनी ज्ञवाली (नर्सिङ सेवा)
सम्मान संस्थापक: वनमाली सुवेदी तथा कृष्णप्रसाद दाहाल नगद राशि: १५ हजार

छ) सम्मान: झलकबहादुर बानियाँ स्मृति मातृभूमि जीवन सङ्घर्ष प्रोत्साहन वृत्ति -२०८०
कमला आधारभूत विद्यालय, हेटौँडा १८, कक्षा ८ को छात्र एवम् छात्रा ।
सम्मान संस्थापक: राजबाबु पहाडी
नगद राशि: ७ हजार ५ सय

कार्यक्रममा कविहरू निमेष निखिल, भूपिन, चन्द्र गुरूङ, राधिका कल्पित, सुरेन्द्र अस्तफल, सुदेश सत्याल, सञ्चारकर्मीहरू प्रताप विष्ट, गणेश लाठ र रामकुमार एलन आदिको बहस कार्यक्रम रहेको थियो । यस्तै अधिवक्ताहरू ऋषभ अधिकारी, मदन दाहाल, अप्सरा तिमल्सिना, गणेश लाठ, भावना सापकोटा, स्रष्टा हयग्रीव आचार्य, पर्यटन व्यवसायी भागिरथ खरेल, १० नं. वडाध्यक्ष फूर्वा दोर्जे लामा र हेउमनपाका उपनिर्देशक डा. भीमप्रसाद तिमल्सिनालगायतको समेत परिचर्चा कार्यक्रम रहेको थियो ।

कार्यक्रममा साहित्यिक स्रष्टाहरू भूपिन, चन्द्र गुरूङ, राधिका कल्पित, सुरेन्द्र अस्तफल, सुदेश सत्याल, उमेश तिमल्सिना, उत्सव चौलागाईँ, सुबास सजल, राजकुमार लामिछाने, स्वस्तिका दाहाल, स्वस्तिका तिमल्सिना, हरिकृष्ण काफ्ले, प्रविना प्रयासी, समीता पौडेल, सुरेन्द्र अस्तफल, रजनी पौडेल, अनसुया खनाल, सबिता तिमल्सिना, हरि पौड्याल, केशव समर्पण, सञ्जीत श्रेष्ठ, यश लामा, देवराज तिवारी, पुष्प अधिकारी अञ्जली र संप्रस पौडेललगायतले रचना सुनाउनुभयो ।

पल्पसा प्याराडाइजमा आयोजित कार्यक्रमलाई विभिन्न सत्रमा सानु खनाल र किशन पौडेलले सहजीकरण गर्नुभएको हो ।

कार्यक्रमका बारेमा थप जिज्ञासा रहेमा हाम्रो अनलाइन टेलिभिजन हेर्नुहोला । https://www.youtube.com/@nawasahitya