मंगलबार यश कुमार अफिसियल युट्युब च्यानलमार्फत ‘सुस्तरी सुस्तरी’ बोलको गीत सार्वजनिक गरिएको छ । यश कुमारको शब्द र संगीत रहेको गीतमा एसके बच्चाले संगीत संयोजन छ भने गायनमा उनलाई अनु चौधरीले साथ दिएकी छन् । गीतको भिडिओमा सडकमा मकै बेचेर गुजारा गरिरहेकी युवती र नगरप्रहरीबीचको प्रेम सम्बन्धलाई प्रस्तुत गरिएको छ । निकेश खड्काले निर्देशन गरेको म्युजिकल फिल्ममा यश कुमार, अनु थापा, राजेश घतानी, पन्छी तामाङ, अनिता लामालगायत कलाकारको अभिनय छ। उत्तम हुमागाईंले छायांकन गरेको गीतको भिडिओलाई विकास धमलाले सम्पादन गरेका छन् । यसको कथा यश कुमारले तयार पारेका हुन् ।