वक्तृत्वमा जेनिथ इन्टरनेसनलकी कुसुम खड्का प्रथम

आयोजक दुवै संस्थाका स्थापनाकार तथा सल्लाहकार, बुढ्यौली साहित्य समाजका अध्यक्ष तथा हास्यव्यङ्ग्यकार आरसी रिजालको प्रमुख आतिथ्यता रहेको कार्यक्रम साहित्य संगमकी अध्यक्ष अनिता न्यौपानेको सभाध्यतामा सम्पन्न भएको हो । कार्यक्रममा साहित्य सेवी मुक्तिगोविन्द वैद्य, पुस्तकालय महासंघ सदस्य गोविन्द चौलागाईँ, सिस्नुपानी मकवानपुरका अध्यक्ष राजकुमार लामिछानेलगायत अतिथि रहनु भएको थियो ।

३ सदस्यीय निर्णायक मण्डलमा आँचल साहित्य कला पुञ्ज मकवानपुरकी अध्यक्ष भावना सापकोटा, साहित्य संगम मकवानपुरका उपाध्यक्ष सानु खनाल र संस्थाका कोषाध्यक्ष तथा प्राध्यापक मनोज पोखरेलको सहभागिता रह्यो ।

कार्यक्रममा नियमित पाठकका रूपमा निरन्जनकुमार साहलाई सम्मान गरिएको थियो ।

बोल्ने कलामा निपुण रहेकामा बधाई तथा शुभकामना भन्दै निर्णायक मण्डल संयोजक भावना सापकोटाले विद्यार्थीहरूलाई विषयवस्तुको व्यापक खोज, अध्ययन गर्न तथा घोक्ने परम्परालाई अन्त्य गर्दै बुझ्ने परम्पराको विकास गर्दै रचनात्मक शैलीमा प्रस्तुति गर्नका लागि सुझाव दिनुभयो ।

प्रमुख अतिथि रिजालले विद्यार्थीहरू स्कूलदेखि यस्ता औपचारिक कार्यक्रममा सहभागी हुनु भएकोमा त्यो नै आधाआधि जीत भएको र निरन्तर अघि बढ्न प्रेरित गर्नुभयो ।

कार्यक्रममा आँचल साहित्य कला पुञ्ज मकवानपुरकी सचिव सबिता तिमल्सिना, समृद्ध समाज राष्ट्रिय दैनिकका सम्पादक सुरेश श्रेष्ठ, विद्यालयका शिक्षक प्रतिनिधि, विद्यार्थी तथा अभिभावकहरूको उपस्थिति रहेको थियो ।

पुस्तकालय प्राङ्गणमा आयोजित कार्यक्रमलाई संगम सचिव डिबी बर्तौला तथा सदस्य सुनिल गौतमले सहजीकरण गर्नु भएको हो ।