भाद्र १५ मकवानपुर,
सिस्नुपानी नेपाल मकवानपुरको आयोजनामा यस वर्ष पनि गाईजात्रा हास्यव्यङ्ग्य कार्यक्रम हुने भएको छ । हास्यव्यङ्ग्य प्रहसन, कविता, प्यारोडी गायन आदि प्रस्तुति रहने सो कार्यक्रम भदौ २० गते बुधबार रोयल पार्टी प्यालेसमा हेटौंडा उपमहानगरपालिका ४ नम्बर वडा कार्यालयको विशेष सहयोगमा आयोजना हुने संस्थाका अध्यक्ष राजकुमार लामिछानेले बताउनु भयो । साथै यो वर्ष अन्य साहित्यिक संघसंस्थामा आबद्ध सर्जक तथा कलाकारहरूको साथमा ती प्रस्तुतिहरू रहने स्पष्ट पार्नुभयो ।
कार्यक्रममा हास्यव्यङ्ग्यकार आर.सी रिजालका साथमा कलाकार आशाकाजी श्रेष्ठ, सिस्नुपानी मकवानपुरका अध्यक्ष राजकुमार लामिछाने, उपाध्यक्ष मीनप्रसाद लामिछाने लगायत संस्थामा आबद्ध संप्रस पौडेल, स्वस्तिका दहालका साथै लगायत मकवानपुरमा क्रियाशील सर्जकहरूको साथ रहेको कार्यक्रम संयोजक मीनप्रसाद लामिछानेले जानकारी दिनुभयो ।
मकवानपुरमा हास्यव्यङ्ग्य साहित्यको उन्नयनमा सक्रिय रहेको यो संस्थाले गर्ने नियमित कार्यक्रमहरूका लागि विभिन्न संघसँस्थाहरूको सहयोग रहँदै आइरहेको छ ।