मकवानपुर । साहित्यकार अमृतको संस्मरणात्मक कृति ‘यादको कोलाज’ आगामी भाद्र २३ गते शनिबार पोखरामा गृह बिमोचन हुने भएको छ । अमृतको संस्मरणात्मक कृति ‘यादको कोलाज’लाई भाद्र २३ गते शनिवार हिमालयन रिडर्स कर्नर, न्यूरोड, पोखरामा लोकार्पण गर्न लागेको पुछारसिटे अभियानले बताएको हो ।
काठमाडौँमा आयोजित कलिङ साहित्यिक महोत्सवका अवसरमा गत भाद्र १५ गते सो पुस्तक विमोचन भएको हो ।
भारतीय सेनामा कार्यरत रहँदाका विविध आरोह अवरोहलाई यादहरूमा सँगालेर कृति तयार पारिएको लेखकले बताएका छन् ।
२०७८ सालमा उहाँको ‘एकान्त भीड’ कविता सङ्ग्रह प्रकाशित भएको थियो भने यो दोस्रो कृति हो ।