भाद्र २५, मकवानपुर ।
उत्कृष्ट अभ्यास पुस्तिका तयार गरेका कारण बालजागृति सेकेण्डरी इङ्लिस बोर्डिङ स्कुलका विद्यार्थीहरू पुरस्कृत भएका छन् ।
कार्यक्रममा विद्यार्थीहरू अन्जन यादव, संयम रिजाल, युविसन कार्की, पिहु अग्रवाल, आयुश्री दहाल, आँचल सापकोटा, सृष्टि यादव, अनुस्का धामी र आध्या कोइराला पुरस्कृत हुनु भएको छ ।
पाठ्यवस्तु अध्ययनका क्रममा विविध विधाहरूको अध्ययनसँगै कथा, कविता, जीवनी, निबन्ध, अवलोकन भ्रमण, पुस्तक समीक्षालगायतका विधाहरूलाई समेटेर अभ्यास पुस्तिका (Booklet) तयार पारिएको शिक्षक रजनी पौडेलले जानकारी दिनुभयो ।
बालजागृति इङ्लिस सेकेण्डरी स्कुलको पुस्तकालय हलमा सम्पन्न कार्यक्रममा विद्यालय व्यवस्थापन समितिका अध्यक्ष दिनेश भण्डारीको सभाध्यक्षता रहेको कार्यक्रममा कवि छवि अनित्यको प्रमुख आतिथ्यता तथा प्र. अ. विनोद सुवेदीको विशिष्ट आतिथ्यता रहेको कार्यक्रममा कक्षा ५ की छात्रा अंशु खनालले स्वागत मन्तव्य राख्नुभयो ।
कार्यक्रममा विद्यार्थीहरूको यस किसिमको सिर्जनशील कार्यप्रति विद्यालय सधैँ तत्पर रहेको स्कूलका प्रधानाध्यापक सुवेदीले बताउनु भयो ।
यस्तै प्रमुख अतिथि छवि अनित्यले विद्यार्थीको अन्तर्निहित प्रतिभालाई यसरी प्रष्फुटित गर्नमा विद्यालयले गरेको योगदानको उच्च कदर गर्नुभयो भने सभाध्यक्ष दिनेश भण्डारीले आगामी दिनमा हुने यस्ता कार्यक्रमहरूमा आफैँले व्यक्तिगत रूपमा पुरस्कारको घोषणा गर्नुभयो ।
कार्यक्रम कक्षा ५ का कृष्मा अर्याल, सयूसा न्यौपाने र सायूज्य देवले सञ्चालन गर्नुभएको कार्यक्रमको संयोजन शिक्षक रजनी पौडेलले गर्नु भएको हो ।