देशले के दियो ?
यो देशले आफ्नो सुन्दर भुमिमा जन्मने शौभाग्य दियो ।
मेची दियो महाकाली दियो ।
हिमाल दियो पहाड तराई संगै लाखौ प्राकृतिक सुन्दरता दियो ।
डाँफे दियो लाली गुरास दियो एक सिङ्गे गैडा दियो ।
बिश्वकै अग्लो सगरमाथा सहितको सयौ हिम शृङ्खला दियो ।
भगवान गौतम बुद्द दियो।
सीता दियो जानकी अनि भृकुटी दियो ।
सन्दुक रोइत दियो, महाबिर पुन दियो ।
पुर्खाले वीर गोर्खालिको चिनारी दियो ।
र संगै दियो
यसलाई बेची खाने भक्षकहरु ।
भक्षकहरुले हामिलाई के दिए ?
भक्षकहरुले हामी सबथोक दिए
बेरोजगारी दिए ।
महङ्गी दिए ।
भोकमरी दिए ।
भ्रष्टाचार दिए ।
अन्यया दिए ।
बेतिथी दिए ।
कार्यकर्ता बन्ने मौका दिए ।
गाउँ गाउँमा राजाहरुको जन्म दिए ।
खाडी जाने अवसर दिए ।
देश छोड्न पासपोर्ट र अन्तर्राष्ट्रिय विमान स्थल दिए ।
मेची महाकाली छिमेकिलाई दिए ।
सक्षम र विद्वान युवा युरोप अमेरिकालाई दिए ।
देशलाई वृद्ध र बालबालिका दिए ।
ब्यापारीलाई लुट्न मौका दिए ।
अपराधीलाई संरक्षण गर्न पाटी र दल दिए ।
घरको साँचो छिमेकिलाई दिए ।
किशानलाई आश्वासन वचन दिए ।
अन्तत
गरिबलाई झुन्डिन पासो अनि जल्न पेट्रोल र सलाई दिए ।
अभिराज खाती अन्जान, मकवानपुर