भाद्र २९, मकवानपुर ।
विज्ञान शिक्षक परिषद (STAN) नगर समिति, मकवानपुरको आयोजनामा ‘समृद्ध समाजको निर्माणका लागि विज्ञान शिक्षाको भूमिका’ विषयक नगरस्तरीय वक्तृत्वकला प्रतियोगितामा ५ उत्कृष्ट विद्यार्थी छनौट भएका छन् ।
शुक्रबार भुटनदेवी मा.वि., मकवानपुरमा आयोजित कार्यक्रममा १२ वटा विद्यालयका कूल २४ जना विद्यार्थीहरू सहभागी थिए । भरत पोखरेल प्रमुख अतिथि रहनु भएको कार्यक्रम परिषदका अध्यक्ष भुपेन्द्र यादवको सभाध्यक्षतामा आयोजना भएको हो । सुवास खनाल, निकेश ठाकुर र केशव सञ्जेल ३ जना रहनु भएको निर्णायक मण्डलले नवोदय शिशु सदनका विदुषी हुमागाईँ, जनप्रिय मा.वि. की एरिना चौलागाईँ, बालजागृति मा.वि. की ऋतीका छत्कुली, ज्ञानदीप शिक्षा निकेतनका विद्यार्थीद्वय आदर्श पौडेल र प्रतिष्ठा कार्की छनौट हुनु भएको हो ।
छनौट भएका विद्यार्थीहरू असोज ६ गते विभिन्न पालिकाबाट सहभागी अन्यसँगै जिल्लास्तरीय प्रतियोगितामा सहभागी हुनेछन् । सो कार्यक्रम नवोदय शिशु सदनमा आयोजना गरिने विज्ञान शिक्षक समाज मकवानपुरका अध्यक्ष खेमराज लामिछानेले बताउनुभयो ।
आजको कार्यक्रम नगर समिति सचिव सुदर्शन पौडेलले सहजीकरण गर्नु भएको हो ।