कुनै समयमा समर्पित भएर नेपालमा
गरे निडर भै सधैं सतत राष्ट्र आराधना ।
कदापि नभुलौं तिनी मदन नामलाई झन
सबै मदनमा समर्पित भई गरौं सम्झना ।।
विशाल तरुको र हेतु उनको छ सान्दर्भिक
विचार लघुता र मुख्य तिनको रहे आत्मिक ।
लिएर दृढ भावना अघि सरे उनी हर्दम
प्रदीप्त रविझैँ प्रकाश छरने गरे चिन्तन ।।
डटेर किन लाग्दथे सकल देश चम्काउन
स्वदेश प्रति प्रेम भाव मनभित्र जन्माउन ।
हरेक सुख दुःखको सतत सामना गर्दथे
सुकीर्ति अझ फैलियो हृदय माझमा चम्किए ।।
शरीर बलिदानमा अघि सरे भई तत्पर
दिएर अनमोल जीवन लडे नमानी डर ।
विचार मनले गरी हृदयभेद्य संभाषण
गरून् मदनकै प्रभा स्वयममा भरी शासन ।।
अपार उपकार ती मदनका हुँदा देशमा
बगेछ अनगिन्ति भाव कविका यहीँ भेषमा ।
बुझेर अथवा म वर्णन गरुँ नजानीकन
र शब्द दुई पाउमा मदनको गरुँ अर्पण ।।
छन्द – पृथ्वी
नाम – विशप आचार्य
सम्पर्क नं – ९८४५८२८९३८
ठेगाना – हेटौंडा २ , मकवानपुर