मकवानपुर, असोज ५ । महाकाव्यकार मुना धिताल अर्यालको ओशोको जीवनीमा आधारित महाकाव्य “महाकाश” असोज ६ गते शनिबार हेटौँडामा विमोचन हुने भएको छ । महाकाव्य “महाकाश” असोज ६ गते दिउँसो १ बजे पल्पसा पार्टी प्यालेसमा मातृभूमि साहित्य समाजको २५ औं वार्षिकोत्सवका अवसरमा विमोचन गर्न थालिएको मातृभूमि साहित्य समाजका अध्यक्ष माधब पोखरेलले बताउनुभयो ।
२००७ पौष २७ गते गोरखामा जन्मिएर हेटौँडालाई कर्मथलो बनाउनुभएकी अर्यालका यसअघि ईश्वरराम्मा अनूदित—२०६०, प्रेमज्योति (गीति एल्बम), भजन (एल्वमहरु),आत्म सलिल महाकाव्य–२०७६ लगायत का कृति प्रकाशित छन् ।
उहाँ अमर ज्योति विद्यालय, कलङ्की काठमाण्डौँका संस्थापक, ज्योति महिला साक्षरता केन्द्र काठमाण्डौँका संस्थापक, आँचल साहित्य कलापुञ्ज, मकवानपुरका संस्थापक अध्यक्ष, मातृभूमि साहित्य समाज मकवानपुरका सल्लाहकार लगायत संस्थामा आबद्ध हुनुहुन्छ ।