असोज १०, मकवानपुर ।
साहित्य सङ्गम मकवानपुरले मकवानपुरका ९ जना स्रष्टालाई सम्मान गर्ने भएको छ ।
वर्ष २०७९ मा पुस्तक प्रकाशन गराएका मकवानपुरे स्रष्टाहरूलाई सङ्गमले सम्मान गर्ने भएको हो । यही असोज १३ गते हुने सङ्गमको ३३५ औँ नियमित साहित्य सन्ध्यामा ती स्रष्टाहरूलाई सम्मान गर्न लागेको साहित्य सङ्गम मकवानपुरका अध्यक्ष डीबि बर्तौलाले जानकारी दिनुभयो ।
सम्मानित हुने व्यक्तित्वहरूमा ‘छेलिएका अनुहार’ पुस्तकका लेखक प्रताप विष्ट, ‘शिक्षकको भाषा’ का लेखक छवि अनित्य, ‘छैनौ कसोरी तिमी’ का सर्जक पुरूषोत्तम आचार्य, ‘मानचित्रमा देश’ र ‘अक्षर आराधन’ का सर्जक मसान उपासक, ‘खुसी’ लघुकथा सङ्ग्रहका सर्जक किशन पौडेल, कविता सङ्ग्रह ‘तिल गङ्गा गोविन्द’ का सर्जक सुभाषचन्द्र पौडेल, ‘कोरिएका धर्साहरू’ कविता सङ्ग्रहका सर्जक ऋत्विक के. बी., ‘अभियुक्त समय’ कविता सङ्ग्रहका सर्जक समर्पण न्यौपाने, ‘कठघरामा देश’ का सर्जक बिर्खे अन्जान सम्मानित हुनुहुनेछ ।
साहित्य सङ्गम मकवानपुरको नियमित साहित्य सन्ध्या कार्यक्रममका क्रममा साहित्य सर्जकहरूले रचना वाचन र व्यक्तित्व सम्मान गरिने आयोजकले जानकारी दिएको छ ।