काम गरेर हुँदा पनी सिथिल बेकार रहेछ ।
गाली गरेकै हुन्छ,साहुको दिल बेकार रहेछ ।
मेरो पिडामा वाह भन्दै तालि बजाउछन्
लाग्दैछ मलाई यो महफिल बेकार रहेछ ।
यो शहरमा न्याय हराएर खोज्न हिँडेको हुँ
बिना पैसा न्यायको अपिल बेकार रहेछ ।
तिम्रो बिहेमा पुगेपछि यस्तो लाग्न थाल्यो
पागललाई बिहेको झिलमिल बेकार रहेछ ।
यो भन्दा ठुलो रोग अरु के होला दुनियाँमा
लाग्दैछ,अधुरो प्रेमको खिल बेकार रहेछ ।
लक्ष्मणले लक्ष्मण रेखा नाघिसक्याे अब
के काम लाग्यो बनेर सुशील बेकार रहेछ ।।