घर हुनलाई
घरमा हजुरबा आमा
उनीहरुका काखमा खेल्ने नातिनातिना र
तिनीहरूका बा आमा हुनुपर्छ
घर हुनलाई, घर अगाडि
तुलसीकाे मठ र सँगै जाेडिएकाे
सानाे बगैँचा र त्यहाँ
फुलेका केही रङ्गीचङ्गी
फूलहरू हुनुपर्छ
घर हुनलाई, घर पछाडि
सानाे गाेठ र
गाेठामा पाडाे,पाडी वा
बाच्छाे बाच्छी सहितकाे
तिनीहरुकाे माऊ हुनुपर्छ
घर हुनलाई
अलिकति जमिन र
त्यहा झुलेका मकै,
तीलका बाेट
फल्दै गरेका केही आँप र
बेलाैतीका रूखहरू
बाेटमै पाकेका केही मेवा
कागती र आफै उम्रेर फलेका
गाेलभेँडाका झ्याङहरू हुनुपर्छ
यी सब भएरमात्र
घर, घर हुदैन
घर, घर हुनत
त्यहाँ बस्नेकाे
पवित्र मन
पनि हुनुपर्छ
याे त सब
गाउँकाे घरकाे कल्पना भाे
साच्चै सहरकाे घर
कस्ताे हुन्छ ह ?
गणेश श्रमण, चितवन
गणेश श्रमणकाे ‘आगो लिएर गाउँगाउँमा’
कविता सङ्ग्रहबाट