मुला रोपे खेतवारीमा आउँछ ठूला पात
गोडीदिए मात्र हुन्छ वढ्छ रातारात
पात टिपी घाममा सुकाई खाल्डो खनेर
खाँदी कुल्ची लगाउनु पर्छ कसेर
फेरी पनि सुकाएर मान्द्रा आरीमा
ओल्टाई पल्टाई गर्नु राम्रो कोठे बारीमा
यसरि नै जन्मन्छ गुन्द्रुक यसको नाम
बनाएर खान जाने गर्छ ठूलो काम
खोर्सानी र नुन मिसाई भुटुन हालेर
मरमसला पनि थपी तेल गालेर
भाँडो राखी आगामाथी परपरी भुटे
मात्र पानी खन्याउनु अरु क्यै छुटे
तातो तातो मिठो मिठो बन्छ राम्रो सुप
मेहनत गर्नु पर्छ राम्रो सँग खुब
भुँडि दुखे, टाउको दुखे, रुघा लागेमा
झाडाबान्ता पनि हुने विमार जागेमा
नुन राखी बटुकामा खन्याई खाए
औषधीको काम गर्छ विमारी भए
हतार हुन्छ कहिलेकाँही काम गर्दामा
भ्याईएन पनि भने अवर पर्दामा
जतन साथ राखिदिए वस्छ लामै धेर
वनाउन बहुत छिटो हुदैन अबेर
गुन्द्रुक भन्छन् कोही कोही कोही श्री माग्न
जति धेरै खाए पनि पार्दैन नग्न ।
अचार पनि बनाएर खान मिल्ने
सब्जी सुप बनाउदा अझै बल दिने
लामो यात्रा गरी हिडे थकानमा पनि
गुन्द्रुकको रस पिए आराम दिने
कामदामको वोझले गर्दा गलेको जीउ
रुघाखोकी लाउन आँटे आउछ हाँच्छिउ
तनावको काम भए झिको एकमुठी
पकाएर रस लिनु सिलौटो कुटी
मिठा मिठा पक्वान्न खाई विग्रिए मुख
मिठै मात्र खाए पनि मिल्छ काँ सुख
मित्रबाट यो देहले खोज्छ एक मुठी
गुन्द्रुकको रस खानु कराईमा भुटी
गाडी चढी लामो यात्रा गरेर आए
डौडा पहाड चाहारेर आँखा रसाए
गले जीउ फत्याक फूतुक फेरी एक मुठी
गुन्द्रुकको सुप खानु कराईमा भुटी
देश परदेश यात्रा गर्दा बोक्न मिल्ने
किन्न पनि नपाइने ठाउँ छ भने
सुटुक्क नै झिके हुन्छ फेरी एक मुठी
दिन्छ आराम पकाई खाए कराईमा भुटी
नाम यस्तै भए पनि सयौँ गुनै गुन
मरमसला ठीक्क पारी लाउनु पर्छ नुन
परदेश वा घरै भित्र फेरी एक मुठी
पकाएर खाए हुन्छ अमुल्य बुटी ।
फाल्गुनन्द–२, इम्बुङ
हाल : हिलिहाङ–५, जोरपोखरी,पाँचथर