पाएकोले अमर ममता विश्व साहित्य माझ
राख्ने इच्छा प्रकटित भयो स्वस्थ पार्ने समाज
जाग्यो यस्तै रहर मनमा खोल्न साहित्य आएँ
देवी दुर्गा सरह प्रतिभा देख्न पाएँ रमाएँ ।
जो जो मिल्छन् असल मनका विश्वका स्वच्छ प्राणी
ल्याएको हो अचम कविले स्वस्थ उद्गार वाणी
साथी पाएँ गजब प्रतिभा सोध्दछिन् गर्न खोज
यस्तै चाला मुखरित बनोस् प्रेम फुल्दै सरोज ।
हेर्ने आँखा अति सरलले दृश्य देखिन्छ राम्रो
आत्मा सोझो असल छ भने हुन्न केही नराम्रो
इच्छा सङ्लो धवलित सधैँ डाक्छ सौन्दर्य हाम्रो
ज्ञानी मान्छे सुखद छ सदा बन्न मान्दैन चाम्रो ।
आहा राम्रो शकुन शुभदा मन्त्र आचार शैली
पाएँ सच्चा मुखर महिमा प्यारको पूर्ण थैली
राखेकी छौ अभिनव कला ज्ञान संज्ञान चोखो
बुझ्दा हुन्थ्यो कवि अचम हो प्रेमको मात्र भोको ।
तान्ने बानी गुण सहज जो चुम्बकी धारणामा
आएकी छौ विधिवत खुला प्रेम उत्प्रेरणामा
चाहें पाएँ अवसर खुला प्रेमको यो प्रसङ्ग
ल्याएँ राखेँ हजुर अहिले पाइएको उमङ्ग ।
कस्तो लाग्यो भन शकुनले प्रेमको दिव्य गीत
जोडेको हो अमर ममता प्रीत मार्ने छ धीत
लाम्चा आँखा शुभ शकुनका मार्दछन् मौन बात
छल्के जस्तै प्रकृत लयमा लेककी छौ प्रपात ।
देवी दुर्गा सुगम छरिती दिव्य देखेँ तिलस्मी
योगी आए सरल तपसी काव्यका पूर्ण रश्मि
बोकी ल्याए कुशल कविता अस्मिता धन्य धान्य
ढोका खोल्छन् सहज दिलका गर्न बाधा अमान्य ।
खोजी पाएँ कुशल प्रतिभा लाग्छ आरामदायी
चोखो मान्छे सरल मनले गर्न चाहें भलाइ
भन्छ्यौ के पो भनन सजिलै शर्मिला के मलाई
शोभा डाक्ने रहर चुलियो चाहना झन्झनाई ।
अविचल आस्था मणि, तनहुँ, नेपाल