मकवानपुरगढी -५ निवासी देव निर्दोष पछिल्लो समय नेपाली साहित्यका गजल, कविता र मुक्तकलगायतका विधाहरूमा सक्रियतापूर्वक लागिरहनुभएको छ । उहाँ मुक्तक मञ्चलगायतका संस्थाहरूमार्फत क्रियाशील रहनुभएको छ ।
मुक्तक १
थाहा थिएन मनसँग मन छुनुपर्ने रहेछ
परिस्थितिअनुसार कहिले कसो रुनुपर्ने रहेछ
बालापन जस्तै कहाँ हुन्छ र महोदय जिन्दगी
जिम्मेवारीसँगसँगै कठोर हुनुपर्ने रहेछ ।
मुक्तक २
यति मिठो बोलीवचन पढाउने को हो
त्यही बोलीमा धनैधन चडाउने को हो
श्रीमान्, जहाज उडाउन त लाइसेन्स हुनुपर्छ,
बिनासित्ती मेरो मन उडाउने को हो ?
देव निर्दोष, मकवानपुर