सज्जनराज वैद्य नेपाली गीतसङ्गीतको क्षेत्रमा स्थापित नाम बनिसकेको छ । २०५० सालमा काठमाडौँमा जन्मिनु भएका वैद्य अमेरिका बसाइका क्रममा हुनुहुन्छ र उहाँलाई पहिचान नै गायनले दिएको छ ।
पप गायनबाट आफ्नो पहिचान बनाउनु भएका उहाँ गायनसँगै गिटार, पियानो आदि बजाउनुहुन्छ । सन् २०१४ मा पहिलो गीत “आज मात्र”, २०१६ मा “हवाईजहाज” र सन् २०१८ मा “चिठीभित्र” सार्वजनिक गरेपछि उहाँको चर्चा झनै चुलिएको हो । फेब्रुअरी २०२० मा “बराली लग्यो यो हावाले (BLYHL)” र मे १६, २०२० मा निकालेको “फुत्की जाने जोवन” मा २०१९-२० कोरोना भाइरस प्रकोपका समयमा सार्वजनिक गरिएको हो । उहाँको मुस्कान, अनौठो मुटु, हतारिँदा हतारिँदै जस्ता कर्णप्रिय गीतहरू रहेका छन् ।
सन् २०२३ मा पहार, उजेली, नोथिङ इन माइ हेड बिसाइड्स तिमी, आइनँ, ह्यात्तेरी गीतहरू ल्याउनु भएको छ । यसैबीचमा उहाँले अनुभव जैनको बारिशेन (हिन्दी) कभर गर्नु भएको छ ।
उहाँले कथा नामक श्रृङ्खला चलाउनु भयो । सन् २०१८ मा युट्युब च्यानलमार्फत् सार्वजनिक यस भिडियो शृङ्खलामा कलाकारहरूले आफ्नो वा अन्य कलाकारको गीतको प्रत्यक्ष प्रदर्शन गरी उक्त गीत मूल भाव र रचना प्रक्रियाबारे छलफल चलाउने गरेका छन् ।
उहाँले “नथिङ इन माइ हेड बिसाइड्स तिमी”, “मेलो” को जन्म कसरी भएको बारे चर्चा गर्दै ती गीतहरू गाउनु भएको छ । न्युयोर्कमा बसोबास गरेका कलाकार बिक्की गुरुङका साथमा उनको गीत “मरिजाउँ” को प्रस्तुतिदेखि श्रृङ्खलामध्येकै छैठौं भागमा द अग्लिजका सरून ताम्राकारसँग उनकै सर्वाधिक चर्चाको गीत “आउँदै जाँदै” ताम्राकार र वैद्यद्वयले गाउनु भएको छ । कथाकै अर्को श्रृङ्खलामा अम्बर गुरूङका नाति जोयस गुरुङले हजुरबाको गीत “पूर्व जाने पन्छी हो” गाउनु भएको थियो ।
यसरी सर्जकहरूलाई बहसमा भित्र्याउने युवा गायक वैद्यको गायनको सूचीमा “पहार” (सन् २०१९), “कुराकानी” (सन् २०१९), “सम्बडी एल्स” (सन् २०२०), “सुकुम्बासी” (सन् २०२०) रहेका छन् । गीतका लहरमा सर्वाधिक चर्चामा “फुत्की जाने जोवन” (सन् २०२०) रह्यो । यस गीतलाई धेरै गायकहरूले कभर गरेका छन् ।
“लुकामारी”, “उल्टा पाइला”, “सस्तो मुटु” जस्ता गीतका गायक वैद्यले २०१७ देखि लगातार ३ वर्ष सर्वोत्कृष्ट नव कलाकार सम्मान प्राप्त गर्नु भएको छ ।
उहाँको के खाले माया यो, दिनदिनै कमाउनु पर्नेले बोलको “सस्तो मुटु” नाम दियौको गीत युटुबमा ५७ लाखले हेरेका छन् भने “चिठीभित्र राखेर पठाउँदैछु मेरो माया” बोलको गीत ६३ लाखले हेरेका छन् ।
सुरूवातीमा अग्लिज, १९७४, सविन राई, कव वेबका कभर गीतबाट उदाएका वैद्य सन् २०२२ मा स्पटीफाइमा सर्वाधिक सुनिएका नेपाली गायक वैद्य केही वर्षदेखि किशोर पुस्तामा सर्वाधिक लोकप्रिय गायक बनिरहेका छन् ।
सङ्गीतसँगको लगावको श्रेय आफ्नो बुवाआमा, दाइलाई दिने उहाँ आफ्ना परिवारले सुन्ने गरेका कर्णदास, दी इगल्स, लिङ्किन पार्क आदि जस्ता गीतबाट प्रभावित हुनुहुन्छ । स्कुल पढ्दा फेसबुकमा गीत सार्वजनिक गर्ने उहाँ आजको स्थापित स्रष्टा हुनुहुन्छ । नवसाहित्य परिवार उहाँको सक्रिय साङ्गितीक जीवनको कामना गर्दछौं । ✍️गाइने
