कार्तिक १३ सोमबार,
काठमाडौँ । खेमलाल हरिकला लामिछाने प्रतिष्ठानद्वारा प्रदान गरिने वि.सं. २०७९ को पद्मश्री साहित्य पुरस्कार २०७९ ‘मनु’ उपन्यासका लागि आख्यानकार डा. देवीप्रसाद सुवेदीलाई प्रदान गरिएको छ ।
२०६३ सालदेखि खेमलाल-हरिकला लामिछाने प्रतिष्ठान चितवनले नेपाली साहित्यका वर्षभरि प्रकाशित पुस्तकमध्ये निर्णायक मण्डलले उत्कृष्ट ठहर्याएको एक पुस्तकलाई पद्मश्री साहित्य पुरस्कार प्रदान गर्दै आएको छ भने पुरस्कार राशि ३ लाख रूपैयाँ रहेको छ ।
ऋग्वैदिक समाजको परिवेशमा चित्रित सामाजिक–सांस्कृतिक उपन्यास मनुका विषयमा प्रतिष्ठानका अध्यक्ष जीवा लामिछानेले लेख्नुभएको छ- मूल पात्र मनुको नेतृत्वमा सुर र असुरबीचको द्वन्द्व समाप्त भई उनकै नेतृत्वमा मानवजातिको विकास भएको कथा यस उपन्यासमा चित्रण गरिएको छ ।
‘मनु’ ले यसै वर्ष १ लाख २५ हजार राशिको ‘कविडाँडा आख्यान पुरस्कार २०७९’ ले प्राप्त गर्ने यसअघि पत्रकार सम्मेलनमार्फत् जानकारी गराइएको छ ।
पुरस्कार समर्पणका क्रममा शिक्षाविद् तथा काठमाडौं विश्वविद्यालयका संस्थापक उपकुलपति प्रा. डा. सुरेशराज शर्मालाई शिक्षाको क्षेत्रमा अतुलनीय योगदान दिनुभएका शिक्षाविद् तथा काठमाडौं विश्वविद्यालयका संस्थापक उपकुलपति डा. सुरेशराज शर्मालाई यस बर्षको ‘पद्मश्री गौरव सम्मान २०७९’ र चित्रकला र बीसको दशकदेखि चित्रकला र कार्टुनकलाका क्षेत्रमा महत्वपूर्ण योगदान दिनुहुने कलाकार दुर्गा बराल (वात्स्यायन) लाई ‘पद्मश्री साधना सम्मान २०७९’ सम्मानित गरिएको छ । दुवै पुरस्कारको राशि ३ लाख रुपैयाँ रहेको छ ।
सम्मान तथा पुरस्कार प्रत्येक वर्ष कोजाग्रत पूर्णिमाका दिन प्रदान गरिँदै आएको पुरस्कार तथा सम्मान साहित्य सर्जक तथा साहित्यप्रेमीहरुको उपस्थितिमा सोमबार होटेल अकामा धुम्बाराही, काठमाडौंमा यो पुरस्कार प्रदान गरिएको हो ।