मंसिर ३, आइतबार
मकवानपुर ।
बुढ्यौली साहित्य समाज मकवानपुरले यस वर्षदेखि प्रदान गर्न लागेको “तुल्सी थापा स्मृति सम्मान” प्रा.डा. श्री मुकेश कुमार चालिसेलाई प्रदान गर्ने निर्णय गरेको छ । पछिल्लो कृति ‘डाँडामाथिका जून’ सहित जेष्ठ नागरिक सम्बन्धित ३ पुस्तक प्रकाशन गर्नुभएका ललितपुर निवासी चालिसे नेपालको पहिलो बाँदर विशेषज्ञ समेत हुनुहुन्छ ।
यस्तै समाजले “तोयानाथ रिजाल स्मृति सम्मान” ८४ बर्षे साहित्यकार श्री माधव भण्डारी रश्मिलाई प्रदान गर्नेछ । शोक काव्यसहित केही साहित्यिक कृतिहरू रचना गर्नु भएका रश्मि हेटौंडा निवासी हुनुहुन्छ । आगामी पुस ९ गते एक विशेष समारोहबीच दुवै सम्मान प्रदान गरिने समाजका अध्यक्ष आर.सी. रिजालले बताउनु भयो ।