अन्तर्राष्ट्रिय नेपाली साहित्य समाज (अनेसास) ले आयोजना गरेको अनेसास बिओटी पुरस्कार वितरण समारोह अमेरिकाको भर्जिनियामा सो सम्मान प्रदान गरिएको हो ।
साहित्य सर्जक तथा समालोचक महेश पौड्यालको कथासङ्ग्रह ‘अपरिचित अनुहार’ ले पदम विश्वकर्मा सर्वोत्कृष्ट पुस्तक सम्मान प्रदान गरिएको छ ।
नेपाली भाषा तथा साहित्यको श्रीवृद्धिमा अतुलनीय योगदान पुर्याएका कारण पौड्याल १ हजार डलर राशिसहित सम्मानित हुनु भएको हो ।
यस्तै ‘बौलाहाको डायरी’ का लागि महेश्वर पन्त (बोस्टन अमेरिका), ‘निबन्ध शन्दिग्ध शताब्दी’ का लागि श्री बाबु कार्की (नेपाल), ‘रानी तलाउ’ का लागि कल्पना खरेल (नेपाल), ‘अरनिको’ का लागि गणेश कुमार जि सी (नेपाल), ‘मृतसागरको उचाइबाट कविता संग्रह’ का लागि सिन्धु पौडेल (इजरायल), ‘दड्गी उर्वशी’ का लागि डा. गोविन्द आचार्य (नेपाल), ‘आवारा बादल नियात्रा’ का लागि निर्मोही व्यास (नेपाल) सम्मानित हुनु भएको छ । उहाँहरू प्रतिव्यक्ति १ हजार डलरले सम्मानित हुनु भएको हो ।
रण काफ्ले (भारत) ‘रैथाने उपन्यास अनेसास सर्वोत्कृष्ट पुस्तक पुरस्कार’ बाट २ हजार १ सय डलरसहित सम्मानित हुनु भएको छ । खेम रिजाल (अमेरीका) (ऊर्जा गीत) ५ सय डलर र मोहन सिटौला (अमेरिका) ‘सुनिल पाठक बिशिष्ठ पुरस्कार’ २ हजार डलरबाट सम्मानित हुनु भएको छ ।
ती पुरस्कारहरूको प्रायोजन प्रा.डा गोपी उप्रेती, रोहिणी शर्मा, डा. श्याम कार्की, सुमन तिम्सिना, गीता खत्री, डा. चुडामणी खनाल, तीर्थराज पाण्डे, पदम विश्वकर्मा, पुरू कल्पना सुवेदी र सुनिल पाठक हुनुहुन्छ ।