तपाईं भन्नुहुन्छ जीवन चलाउ बिचार गरेर ।
मैले चलाइ रहेछु जीन्दगी हार गुहार गरेर ।
फूल जस्तै बैनी, आजकल चरी जस्तै लाग्छ
थाहा छैन कस्ले, कतिखेर लैजान्छ शिकार गरेर ।
जसले छुरा राखेर निस्कियो यो मुटु भित्र
उसैलाई राखेको थिए बहुत सम्भार गरेर ।
आमाको भान्छामा गुन्द्रुकलाई नुन मिलेको छैन
छोरो करोड पति निस्कियो मासुकै व्यापार गरेर
गल्ली गल्लीमा छन, चोक चोकमा छन ब्वासाहरू
छोरी तिमि बाहिर निस्किनु हुदैन श्रीङ्गार गरेर ॥
###
त्यो मन अरू कसैको राजधानि हुन्छ
र, त आफ्नो सोच्ने दिलमा हानि हुन्छ ।
भन्नेहरू पागल भन्छन तर खुशी छु
मेरो हावासंग पनि कुराकानी हुन्छ ।
जिन्दगिप्रति गुनासो कस्लाई गरौ
जिन्दगी बुझ्न जिन्दगि लगानि हुन्छ ।
हेर्नुस यो दुनियाँ मलाई केही सोच्दैन
यो दुनिया पनि त एक दिन खरानी हुन्छ
खुशी छु भन्नका लागि सबैसंग खुशी छ
यहाँ जो कसैको झोलामा राहदानी हुन्छ
प्रकाश समीर
तित्याङ–४, बागलुङ