बरु बदनामहरुको सुचिमा मेरो नाम होस
तिमीले भने सम्झी रहनुपर्ने काम होस
म पनि आँखा नचिम्ली रात कटाईदिन्छु
त्यो जुन पनि त्यतिकै जागराम होस
जति दौडिन खोछ दौडिन देउ जिन्दगीको घोडा
यति ख्याल गर आफ्नो हातमा लगाम होस
तिमीले भने सम्झी रहनुपर्ने काम होस
चोट न सहि फलाम धारिलो हुन्न निर्दोष
तेरो आलोचना पनि धुनाधाम होस
###
पर्दा नलागुन्जेल सम्म मुस्कुरईदिन्छ
दुनियाँ रंगमंच हो आँशु लुकाईदिन्छ
खाली पाना थिएँ केरमेट गरेर फाल्यौ
ठिकै छ कसैले त बटुलेर आगो लगाईदिन्छ
उसैलाई सिकईरहेछौ भोकको परिभाषा
जसले पेट भर्नालाई ढुङ्गा चापईदिन्छ
सयर गर्न हो हरियाली खोज्न भनेको
मन पराउने ले त डढेलो नै मन परईदिन्छ
विद्यानिर्दोष पहाडी, सुर्खेत