स्वर्गका राजा ईन्द्र निरीक्षणको क्रममा यमलोक पुग्दा त्यहाँ भव्य स्वागत गरियो । यमराजले राजा ईन्द्रलाई त्यहाँको वस्तुस्थितिबारे जानकारी गराउँदै सबै देशको आ-आफ्नो नाम लेखिएको कन्टेनर देखाए ।
त्यहाँ जुन देशको मान्छे मरेर आउँथ्यो, त्यो मान्छे नभागोस् भनेर त्यही देशको कन्टेनरमा हाली बिर्को बन्द गरिन्थ्यो ।
राजाले एकाएक गरि कन्टेनर हेर्दै जाँदा एउटा कन्टेनरको बिर्को खुल्ला देखेकोले बडो उत्सुक भई यमराजलाई बिर्को खुला हुनुको कारण सोधे । यमराजले जवाफ दिए- “सरकार यो त नेपालको कन्टेनर हो । यसको बिर्को लगाउनु पर्दैन । नेपालीहरूमा एकले अर्काको खुट्टा तान्ने परम्परा भएको हुँदा भाग्ने त कुरै छैन, कहिले पनि उनीहरू कन्टेनरबाट माथि उक्लिन सक्दैनन् ।”
स्व. डा. गणेशकुमार पौडेल
(पूर्व अध्यक्ष, सिस्नुपानी नेपाल मकवानपुर)