मङ्सिर २०, मंगलबार मकवानपुर ।
हेटौंडा उपमहानगरपालिका ४ नं. वडा कार्यालयको सहकार्यमा आँचल साहित्य कला पुञ्ज मकवानपुरले वक्तृत्वकला प्रतियोगिता आयोजना गर्न लागेको छ ।
सो प्रतियोगितामा एक विद्यालयबाट बढीमा २ जना विद्यार्थी सहभागी हुनेछन् भने सहभागिताका लागि मङ्सिर २२ गते दिउसोको ४ बजेसम्मका लागि नाम दर्ता गराउनु पर्नेछ ।
यही मङ्सिर २३ गते शनिबार लैङ्गिक हिंसा विरुद्धको १६ दिने अभियानअन्तर्गत विद्यालयस्तरीय (६-१०) “लैङ्गिक हिंसा न्यूनीकरणमा सरोकारवालको भूमिका” विषयक वक्तृत्वकला प्रतियोगिता हुने संस्थाका अध्यक्ष भावना सापकोटाले बताउनु भयो ।
प्रतियोगिता साहित्य सङ्गम तथा सिस्नुपानी मकवानपुरको संयुक्त सभाहलमा दिनको ११:०० बजे हुने सूचनामार्फत् जानकारी गराइएको छ ।
विजयी प्रतियोगीहरूलाई प्रथम पुरस्कार ३ हजार, द्वितीय २ हजार, तृतीय १ हजार र सान्त्वना ५ सय रुपैयाँ प्रदान गरिने कार्यक्रम संयोजक निर्मला ब्लोनले जानकारी दिनुभयो ।