जेसिजको वक्तृत्वकला प्रतियोगितामा आदर्श, एरिना र आदित्य विजयी

मङ्सिर २२, शुक्रबार
मकवानपुर ।
बसामाडी जेसिजको सप्ताहव्यापी कार्यक्रम ‘जेसिज सप्ताह २०२३’ का क्रममा आयोजित माध्यमिक विद्यालयस्तरीय वक्तृत्वकला प्रतियोगिता सम्पन्न भएको छ ।
प्रतियोगितामा हेटौंडा ५ स्थित ज्ञानदीप शिक्षा निकेतन माविका छात्र आदर्श पौडेल प्रथम, सिद्धार्थ शिशु सदनका छात्र आदित्य पराजुली द्वितीय र हेटौंडा १६ स्थित जनप्रिय माध्यमिक विद्यालयकी छात्रा एरिना चौलागाईँ तृतीय हुनु भएको छ । निर्णयका लागि द्विसदस्यीय निर्णायक मण्डलमा सर्जक सञ्जाल मकवानपुरका संयोजक निमेष निखिल र जेसी गौतम केसी रहनु भएको थियो ।
विजेताहरूलाई सप्ताहव्यापि कार्यक्रमको समापन कार्यक्रमका क्रममा शनिबार होटल लिडो इनमा एक कार्यक्रमबीच पुरस्कार प्रदान गरिने आयोजकले जानकारी दिएको छ ।