मङ्सिर २६, मंगलबार
मकवानपुर ।
साहित्य सङ्गम नुवाकोटको आयोजनामा साहित्य महोत्सव आयोजनाको तयारी गरिएको छ ।
राष्ट्रियस्तरको “नुवाकोट साहित्य, संस्कृति तथा पर्यटन महोत्सव -२०८०” का लागि संस्कृति, पर्यटन तथा सहकारी मन्त्रालय बागमती प्रदेशसँग साझेदारी रहेको संगम अध्यक्ष सुमित्रा सुमीले बताउनु भएको छ । साथै कार्यक्रममा विभिन्न सामाजिक संस्था र स्थानीय तहहरूको सहयोग रहने उहाँले जानकारी दिनु भएको छ ।
यही पौष १४/१५ गते नुवाकोटको बिदुरमा उद्घाटनसँगै विभिन्न कार्यक्रम सन्चालनसँगै रसुवाको उत्तरगया धाममा समापन हुने कार्यक्रम रहेको छ । यस कार्यलाई साहित्य इतिहासको कोशेढुङ्गा रहने जानकारी आयोजकले दिएको छ ।
रसुवा र नुवाकोटको साहित्य, संस्कृति र पर्यटनको विकासमा टेवा पुर्याउने उद्देश्यले महोत्सवको तयारी सुरू गरिएको छ । देशका सातै प्रदेशमा रहने साहित्य सर्जक, साहित्यसेवीलगायत साहित्यप्रेमीहरू उपस्थित रहने अपेक्षा आयोजकले लिएको छ ।