मङ्सिर २७, बुधबार
मकवानपुर ।
३०२ औं पृथ्वी जयन्ती तथा राष्ट्रिय एकता दिवसको अवसरमा राप्रपा (राष्ट्रिय प्रजातन्त्र पार्टी) ले युवा कविता प्रतियोगिता आयोजना गर्न लागेको छ ।
प्रतियोगिताका लागि पृथ्वीनारायण शाह, राष्ट्रिय एकता दिवस र देशभक्तिसँग सम्बन्धित विषयमा कविता लेखिएको हुनुपर्नेछ ।
प्रतियोगी कविताका लागि ५ सय शब्द सीमा तोकिएको छ भने प्रतियोगीको उमेर ४० वर्ष ननाघेका हुनुपर्ने तोकिएको छ । कविताका साथमा सर्जकको नागरिकताको फोटोकपि समेत इमेल वा ह्वाट्सएप गर्नुपर्ने वा काठमाण्डौं धुम्बाराहीस्थित पार्टी केन्द्रीय कार्यालयमा बुझाउन सकिने मंगलबार जारी प्रेस विज्ञप्तिमा उल्लेख गरिएको छ ।
प्रतियोगितामा प्रथम पुरस्कार १ लाख, द्वितीय पुरस्कार ५० हजार, तृतीय पुरस्कार २५ हजार तथा अन्य ३ जनालाई प्रतिव्यक्ति १० हजारका दरले सान्त्वना पुरस्कार प्रदान गरिनेछ । यसरी कूल २ लाख ५ हजार राशीको पुरस्कार रहेको प्रतियोगितामा स्वदेश तथा विदेशमा रहनु भएका इच्छुक कविहरूलाई सहभागी हुनका लागि खुला आह्वान गरेको प्रवक्ता तथा प्रचार विभाग प्रमुख मोहन कुमार श्रेष्ठद्वारा हस्ताक्षरित विज्ञप्तिमा उल्लेख गरिएको छ ।