मङ्सिर २७, बुधबार
मकवानपुर ।
साहित्यकार सुमन पोखरेललाई एसिया अवार्ड्स संस्थाद्वारा सम्मानित हुनु भएको छ ।
कवि, गीतकार, नाटककार तथा अनुवादक पोखरेल भारतको तमिलनाडुस्थित तिरुचिरापल्लीमा एक भव्य समारोहबीच एसियाको प्रेरणादायी कविका रूपमा सो अवार्डबाट सम्मानित हुनु भएको हो ।
वल्र्ड रिसर्च कङ्ग्रेस र टाइम्स अफ लण्डनको सहकार्यमा अनलाइन मिडिया पार्टनरको रुपमा एशिया अवार्ड्सद्वारा गर्वका साथ सम्मानित गरिएको आयोजकले जनाएको छ ।
यस्तै एसिया अवार्ड अर्गनाइजेसनले आफ्नो वेबसाइटमा उहाँको उल्लेखनीय र प्रेरणादायी लेखनलाई एशियाको नम्बर १ ब्रान्ड र उत्कृष्टता पुरस्कारद्वारा गर्वका साथ सम्मानित र सम्मानित गरिएको जानकारी दिइएको छ ।
संस्थाले यस प्रतिष्ठित पुरस्कारको सबै हकदारका रूपमा पोखरेललाई घोषणा गर्न पाउँदा गौरवान्वित भएको उल्लेख गर्दै उहाँलाई आगामी प्रयासका लागि शुभकामना दिएको छ ।
आयोजकले विगत तीन दशकदेखि सामाजिक र ग्रामीण विकास, अनुसन्धान र मूल्याङ्कन, रचनात्मक र व्यावसायिक लेखन, कानूनी मुद्दाहरू, लेखा र करसम्बन्धी प्रशिक्षण प्रदान गर्ने लगायत विभिन्न क्षेत्रमा सक्रिय रूपमा संलग्न रहेका लगायतका पोखरेलका विषयमा विविध जानकारीहरूका साथ आरयूएलए अवार्ड्सद्वारा सञ्चालित एशिया अवार्ड्स अहिले विश्वव्यापी रूपमा कर्पोरेट उत्कृष्टताको मापदण्डका रूपमा लिइने बताएको छ ।
‘कावेरी कलेज फर वुमन’ द्वारा स्वागत गरिएको साहित्यकार पोखरेलको कविता ‘कावेरी कलेज फर वुमन’ को पाठ्यक्रममा समेत समावेश गरिएको छ ।
यस्तै उहाँ सन् २०१३ तथा २०१५ मा सार्क साहित्य पुरस्कारद्वारा पुरस्कृत भैसक्नु भएको छ भने उहाँका ‘जीवनको छेउबाट’, ‘हजार आँखा यी आँखामा’ र ‘मलाई जिन्दगी नै दुख्दछ’ कृतिहरू प्रकाशन भएका छन् ।