मङ्सिर २६, बुधबार
मकवानपुर ।
विज्ञान शिक्षक समाज मकवानपुरले जिल्लास्तरीय विज्ञान हाजिरीजवाफ प्रतियोगिता आयोजना गर्न लागेको छ ।
मकवानपुर बाल विद्या सदन, हेटौंडा १८ को सहकार्यमा पौष १४ गते हुन लागेको यस कार्यक्रम माध्यमिक तह (कक्षा ९-१०) का विद्यार्थीले सहभागिता जनाउन सक्नेछन् ।
प्रतियोगितामा प्रथम ५ हजार, द्वितीय ४ हजार र तृतीयका लागि ३ हजार पुरस्कार राशि रहेको छ । जसका लागि एक समूहमा १ छात्रासहित २ जना सहभागी हुन सक्नेछन् । हाजिरीजवाफका प्रश्नहरूमा २० प्रतिशत सामान्य ज्ञान र ८० प्रतिशत कक्षा ६ देखि १० सम्मको विज्ञान तथा प्रविधिका पाठ्यक्रमबाट प्रश्नहरू समावेश हुने समाजका अध्यक्ष खेमराज लामिछानेले जानकारी दिनु भएको छ ।