मङ्सिर २९, शुक्रबार
मकवानपुर ।
प्रगतिशील लेखक सङ्घ, मकवानपुरले साहित्यकार पुरूषोत्तम आचार्यलाई युद्धप्रसाद मिश्र स्मृति साहित्य सम्मान २०८० बाट सम्मानित गर्दैछ ।
२२ हजार २ सय २२ रूपैयाँ राशिको सो सम्मान अघिल्लो साल ‘गाउँगाउँबाट उठ’, ‘एक जुगमा एक दिन एकचोटि आउँछ’, ‘रक्तक्रान्तिको ज्वालामुखीमा’, ‘गाई त बाँध्यो ढुङ्ग्रोमा मोही छैन, गरीबको चमेली बोल्दिने कोही छैन’ जस्ता गीतका गायक रामेश श्रेष्ठलाई प्रदान गरिएको थियो ।
सम्मान कार्यक्रमसँगै आचार्यको पछिल्लो कृति ‘जुनेली’ को गृहविमोचन समेत हुँदैछ ।
यही मङ्सिर ३० गते शनिबार सोलिड्यारिटी इन्टरनेसल एकेडेमी हेटौंडा १० मा दिनको १:०० बजे हुने सो कार्यक्रममा कलाकारहरू आइ.पी. आचार्य, नमस्ते दिवाकर घिमिरे र इलिसा पराजुलीको नाट्य प्रस्तुति समेत रहने प्रलेस मकवानपुरका अध्यक्ष श्रीराम अधिकारीले जानकारी दिनु भएको छ ।
जुनेली खण्डकाव्यको विमोचनका साथै परिचर्चा कार्यक्रममा टिप्पणीकारहरू निमेष निखिल, प्रदीप वालाचन, कमला बराइली र निरा शर्माको टिप्पणी रहनुहुनेछ ।
मकवानपुरलाइ कर्म थलो बनाई अनवरत रुपमा प्रगतिवादी धारका रचना लेखनमा सकृय साहित्यकार पुरुषोत्तम आचार्यका हालसम्म ‘भोको मझेरी’ – मुक्तक संग्रह २०६८, ‘मुटु र गीतहरू’ – गीत संग्रह २०७०, ‘Roaring flames’ – संयुक्त कविता संग्रह- २०७७, ‘छैनौँ कसोरी तिमी’- ऊर्जाकाव्य २०७९, ‘जूनेली’ – खण्डकाव्य, २०८० गरी ५ कृतिहरू प्रकाशित भैसकेका छन् । साथै उहाँले आफ्नै शब्द सङ्गीत र आवाजमा केही गीत गजलहरू स्वराङ्कन समेत गर्नुभएको छ ।