पौष ४,
मकवानपुर ।
हेटौंडा २ मकवानपुरस्थित मकवानपुर बहुमुखि क्याम्पसलाई बागमती प्रदेश सरकारले बागमती प्रदेश सार्वजनिक विश्वविद्यालय बनाउने निर्णय भएको छ ।
स्नातक तथा स्नातकोत्तरका विभिन्न सङ्काय सञ्चालित यो क्याम्पस QAA प्रमाणप्राप्त क्याम्पस हो । त्रिभुवन विश्वविद्यालयको सम्बन्धनप्राप्त यस क्याम्पसमा मकवानपुरलगायतका आसपासका जिल्लाका विद्यार्थीहरू अध्ययन गर्दै आइरहेका छन् । २०३७ सालमा स्थापित यस क्याम्पसमा विभिन्न तहका विद्यार्थीहरूले देशैभरीको उत्कृष्ट नतिजा प्राप्त गरिरहेका छन् ।
हेटौंडा ४, मकवानपुर स्थित हेटौंडा क्याम्पस गुणस्तर सुनिश्चितता तथा प्रत्यायन प्रक्रियामा सहभागी भई संस्थागत गुणस्तर परीक्षणका सबै चरणहरु पार गरी विश्वविद्यालय अनुदान आयोग, सानोठिमी, भक्तपुरबाट प्रत्यायनकृत (QAA-Quality Assurance and Accreditation Certified) भएको छ ।
२०४७ सालमा स्थापित यस क्याम्पस त्रिभुवन विश्वविद्यालयको सम्बन्धन प्राप्त क्याम्पस हो । यस क्याम्पसमा स्नातक तथा स्नातकोत्तरका विविध कक्षाहरू सञ्चालनमा रही यस क्षेत्रको उत्कृष्ट क्याम्पसको रूपमा रही आएको छ ।
०००
(तस्बिर स्रोतः डा. रामप्रसाद अधिकारी, सहायक क्याम्पस प्रमुख, मकवानपुर क्याम्पस तथा देवरत्न मानन्धर, हेटौंडा क्याम्पस प्रमुख)