पौष २०, शुक्रबार
मकवानपुर । प्रा.डा. ध्रुवेशचन्द्र रेग्मीद्वारा लिखित दुई पुस्तक लोकार्पण शनिबार हुन लागेको छ ।
प्रा.डा. अभि सुवेदी, प्रा. दीपक जङ्गम, प्रा.डा. वीणा पौड्याल र डा. लोचन रिजाल वक्ता रहने उक्त कार्यक्रम भोजन गृह, डिल्लीबजार, काठमाडौंमा हुनेछ ।
प्रकाशन गृह बुक हिलबाट प्रकाशित उक्त कृति लोकार्पण समारोहमा साङ्गीतिक उत्सव समेत रहने प्रकाशक भुपेन्द्र खड्काले जानकारी दिनु भएको छ ।
पुस्तकका सम्बन्धमा उहाँ भन्नुहुन्छ- “यदि तपाईंले कुनै काम प्रेमपूर्वक गर्नुभएको छ भने त्यो ठूलो सफलता हो ।
हुन त हरेक व्यक्ति समाज, संस्कृति र तिनीसँग जोडिएका सामाजिक लयहरूसँग जोडिएको हुन्छ । समाजका धर्म, कर्म र रीतिरिवाजमा मिसिंदै गर्दा नजानिंदो गरी सङ्गीतमा नजिकिएको हुन्छ ।
म पनि त्यस्तै भएँ । मलाई सङ्गीत मन मात्रै पर्दैन; सङ्गीतबिनाको जीवन म परिकल्पना गर्न पनि सक्दिनँ ।
यो किताब त्यही सङ्गीतको किताब हो; जसले आफ्नो इतिहास इमानदारीपूर्वक भन्छ ।”