मकवानपुर । मातृभूमि साहित्य समाज मकवानपुरले हेटौँडामा बिभिन्न क्षेत्रमा योगदान पु¥याएका ६ जनालाई एक साथ सम्मान गरेको छ । मातृभूमिले साहित्य र शिक्षा क्षेत्रमा योगदान पुर्याएका ६ जनालाई सम्मान गरेको हो ।
शुक्तबार एक कार्यक्रमको आयोजना गर्दै मातृभूमिले साहित्यकार आर.आर. चौलागाईलाई श्याम श्रेष्ठ स्मृति–मातृभूमि पुरस्कार–२०७९ प्रदान गरेको छ । साहित्यकार चौलागाईलाई नगद १५ हजार रुपैयाँसहित पुरस्कृत गरिएको हो । ‘इश्वरी स्मृति–मातृभूमि पुरस्कार–२०७९’ काठमाडौंका साहित्यकार शैलेन्दु प्रकाश नेपाललाई समर्पण गरेको छ । होमनाथ बलदेवी मातृभूमि छन्द पुरस्कार–२०७९ चितवनका वरिष्ठ साहित्यकार लकाश पौडेललाई, ‘शेखर शर्मा रिजाल स्मृति–मातृभूमि शैक्षिक सम्मान–२०७९’ मकवानपुरका रामचन्द्र आचार्य ‘फुर्सती’लाई प्रदान गरेको छ । यसैगरी ‘शेखर शर्मा रिजाल स्मृति–मातृभूमि शैक्षिक सम्मान–।२०७९’ मकवानपुरका मालती उप्रेतीलाई प्रदान गरेको छ । नेपाल, पौडेल, फुर्सती र उप्रेतीलाई नगद १५/१५ हजार रुपैयाँ राशिसहित पुरस्कृत गरेको हो ।
यस्तै ‘झलकबहादुर बानियाँ जीवन संघर्ष–मातृभूमि सम्मान–२०७९’ बाट हेटौँडा–१८, हर्नामाडीमा रहेको कमला आधारभूत विद्यालयका एक विद्यार्थीलाई नगद ७ हजार ५ सय रुपैयाँ राशिसहित सम्मान गरेको छ ।
मातृभूमि साहित्य समाजका अध्यक्ष माधव पोख्रेलको सभाध्यक्ष तथा प्रा. डा. गोविन्दराज भट्टराईको प्रमुख आतिथ्यमा कार्यक्रम भएको हो ।कार्यक्रमका प्रमुख अतिथि प्रा. डा. गोविन्दराज भट्टाराईले साहित्यलाई समाजको संस्कृति भएको बताउनुभएको छ ।
कार्यक्रममा किसन पौडेल, देवराज तिवारी, मसान उपासक, पुरुषोत्तम आचार्य, जर्नादन खनाललगायतले रचना वाचनसमेत गरेका थिए ।
#मातृभूमि साहित्य समाज मकवानपुर#