माघ १३, शनिबार मकवानपुर । अन्तर्राष्ट्रिय मातृभाषा दिवस २१ फेब्रुअरी २०२४ को उपलक्ष्यमा नेपाल प्रज्ञा-प्रतिष्ठानले मिति २०८० फागुन ९ गते मातृभाषा कविता महोत्सव आयोजना गर्न लागेको छ । प्रतिष्ठानले इच्छुक कविहरूले आफ्नो मातृभाषामा बढीमा १५० शब्दसम्मको कविता कम्प्युटर टाइप गरेर, सफ्टकपी, कविको फोटो, सम्पर्क नम्बरका साथै व्यक्तिगत विवरणसमेत यही माघ २५ गतेभित्र प्रतिष्ठानमा आइपुग्नेगरी पठाउन सूचना जारी गरेको छ ।
“सबै भाषा सबै ज्ञान, सबैको प्रज्ञा-प्रतिष्ठान” भन्ने नारा रहेको प्रतिष्ठानले कविता पठाउनका लागि कविहरूले फोन नं. ०१-४२२१२४१/४२२१२८३/४२४१६३७ मा सम्पर्क तथा nepalacademy2080@gmail.com मा इमेल गर्न सकिने सूचनामा उल्लेख गरिएको छ ।